سحاب وصلك لا كسى القلب يحييه

سحاب وصلك لا كسى القلب يحييه

تخضر معاليقه وتروى عروقه

غيرك ليا من مرني ما التفت فيه

لو ترعد رعوده وتبرق بروقه

وصفك فريد وجل ربٍ مسويه

فيك الحلايا النادرات مخلوقه

غلاك فيني بيناتٍ مواريه

ليت الذي ذقته بعشقك تذوقه

لا غبت اسامر كل نجمٍ واراعيه

واصبر ونفسي للمواصل شفوقه

اللي يودك مخلصٍ لا تخليه

اتعب على وصله وكمل حقوقه

لا صرت مثله يوم يغليك تغليه

راع الغلا ما فيه شيٍ يعوقه

دربٍ يودي صوب صاحبه يمشيه

على اتجاه الحب يدفعه شوقه

لو كان خله بالغرابيل مشقيه

ما فيه غيره بالخلايق يشوقه

انشهد ان العشق بلوى لراعيه

يونس عذابه لا مشى مع طروقه

قلبه على غير اختياره يوديه

ورجله على مشهاة قلبه تسوقه

يصبح مثل طيرٍ تتله مشاحيه

يبي يطير وقاضباته سبوقه

,

,

الشاعر خليل بن هدلان

غلاك فيني بيناتٍ مواريه
ليت الذي ذقته بعشقك تذوقه
لا غبت اسامر كل نجمٍ واراعيه
واصبر ونفسي للمواصل شفوقه
اللي يودك مخلصٍ لا تخليه
اتعب على وصله وكمل حقوقه

هذا هو الكلام الي يصحي من التوم
هذه البيوت عن قصيدة كامله ,’,نقل مميز يسعد قلبك
تقديري

النجلاء
ابيات جميله وابداع
يسلموو على النقل الراقي
مميزه دائما بانتقائك


يعطيك العافيه يالغلا
تقبلي مروري وتحياتي
دمتي بخير

يعطيك العافيه اختيار جميل ورائع
ابيات تلامس القلب والوجدان صح السان قايلها
وانتي بعد الله يعطيك العافيه دوما اختيارك توحي بذائقه لديك ما تقولين انك شاعره
ههههههه

دام عطائك

الله الله
انتقاء وذائقه جميله
يروق لي ذوقك يالنجلاء
صح لسانك ولسان شاعرها

الله عليك يالنجلاء رااااائعه صح لسانك وصح لسان شاعرها. ؛؛ وتسلمين على النقل الرااائع ؛؛ ودي وتقديري لقلمك الذهبي ؛؛

~ الأستاذة الفاضله النجلاء ~




كلمات اجبرتني علي مشاركتكـ لاحساسي بصدقها

وايمانا مني بقلم يختار اجود المفردات

وبستان الكلام ..المعطره

لك كل مني خالص التحيه

اقتباس:

المشاركة الأصلية كتبت بواسطة محمد الروقي

غلاك فيني بيناتٍ مواريه
ليت الذي ذقته بعشقك تذوقه
لا غبت اسامر كل نجمٍ واراعيه
واصبر ونفسي للمواصل شفوقه
اللي يودك مخلصٍ لا تخليه
اتعب على وصله وكمل حقوقه

هذا هو الكلام الي يصحي من التوم
هذه البيوت عن قصيدة كامله ,’,نقل مميز يسعد قلبك
تقديري

الروقي
اسعدني وشرفني حضورك الراقي والمشرف
لاخلا ولاعدم اجمل حضور
تقديري لك
النجلاء