سعد المرشدي وعبدالله بن طلال

السلام عليكم

سعد بن حسين المرشدي :

اليا انتصف ليلي بدعت الطواريق=من حر مابي ساهر الليل كله
اسهر وهمي مرتكي كنه طويق=والصدر ضاق وفايحٍ فوح دله
ماودي ابدي ما جرا للمخاليق=لكن سدي باح والهم عله
بلاي من غرواٍ سطا فالمعاليق=وبالعين حفظه والحشا منزل ٍ له
شوفه يذكرني بعال الشواهيق=اللي على المكسور يصعب رقاً له
والا يذكرني على فكة الريق=دموع عودٍ شاف بكره يذله
والا كما طفلٍ حياته على الضيق=يبي حنان الام ولا حصل له
وانا وخلي ما اجمعتنا التوافيق=الوقت فرق بين خلٍ وخله
عشنا المحبه بالعهد والمواثيق=على النقا حبٍ شريفٍ ندله
والشاهد الله ماش كذب وتلافيق=على المحبه والوعد مخلصٍ له
ماهوب حبٍ عايشينه مطافيق=حبٍ على غير الشرف مرتعٍ له
كلن يتوب اعن الهوى ياعشاشيق=واللي يتوب اعن الهوى فرصٍ له
مادام تال الحب درب التفاريق=عش مستريح البال والحب خله

انا :

الحرّ الاشقر لو يتل المسابيق = يلقى محاصيله ودربه يدلّه
يابو حسين الحب جمعاء وتفريق = اصبر لعلّ الامر ليت و لعلّه
إسهر على المركاء وصفر الغرانيق = دلّه تبهرها وغوري تزلّه
وإشلع مثل شلع التورندو مع الميق = شيءٍ تزوزي به وشيءٍ تهلّه
ودام الهوى عِذري بشرع المطاليق = مالك خصيم بكل مذهب وملّه
ماهو مثل حب الخبول المدانيق = اللي هواهم من صنوف المذلّه
و سرّ الغلا يالمرشدي له صناديق = احذر مقاريد الاوادم تدلّه
خلّه حبيسٍ بالظلوع المغاليق = لين ان ربي يكتب الرزق كلّه
ربّك كريم وعالمٍ بالمخاليق = والرب ما يبخل على العبد لله

الله الله
ياسلام عليكم يابو مشعل
صوت وصدى ولا اروع
صح الله لسان الشاعر سعد المرشدي
وصح الله لسانك يابو مشعل
ابدعتو وامتعتو ولا نستغرب الابداع والجزاله من المبدعين
تقديري وتقييمي
النجلاء

صح لسانك يابو مشعل
وصح لساااان المرشدي .......جزلين الله لا يظركم

الله الله

ابداع في ابداع
صح لسان بن حسين المرشدي
وصح لسانك يابو مشعل

نجلاء

صح بدنك ولاهنتي اختي القديره

منوره المكان

شاعرنا الغالي محمد الروقي

صح بدنك والجزاله بوجود الجزلين شرواك

دمت بود

صح لسانك واعتلا شانك رائعه بروعة حضورك وتواجدك ..
ودي وتقديري ..

شاعرنا القدير ومديرنا الوافي محمد الغنامي

صح بدنك والابداع بوجودك

دمت بود