طبول عاصفة الحزم

عاصفة الحزم ماكان دقت طبولها=ولاكان طاروا بالرواجم رجالها
لو الروافض ما تزايد غرورها=ولالقَّت لمن يعبد النار بالها
ورضت بواقعها ولا امتد شرها=ولا سهلت لبليس وآايه مجالها
ولا طاول الحوثي بشره هل اليمن=ورمَّل حرايرها ويتم عيالها
حتى غضب بحر العرب مع خليجنا=وضاقت جزيرتنا وشامخ جبالها
والنيل مما شاف فاضت قناطره=وميِّت بحر عَمَّان هلل وجالها
وكراتشي عجمى وعن مابها افصحت=وسمعت به الخرطوم والامر هالها
والترك من غيره على الدين طوحوا= كرت السكوت ابعيد واذن بلالها
وغضب لغضبة من براهن مليكنا=الا الوطن والجار سلمان قالها
حماية الجيران ديدن ملوكنا=ما جا مليك الا من الله نالها
وابو فهد يوم ان روس العدا اينعت=وحان القطاف السيف الاجرب عبالها
قواصف ليا حلقت كنها السهم=وهلت على الحوثي بصعده نبالها
طاروا بها من ارض الجزيره صقورها=مثل النجوم. الرجمات انهمالها
قصفن على الحوثي تركز لهايبه= يشوف من في حضرموت اشتعالها
صِحْ للصفويين ياخيب الرجا=لجل يتجلى للقرود انخذالها
ويظهر لك ان الفرس حطوك لعبه=جسر اتحقق فيه ما جا فبالها
لكن حكام الخليج افطنوا لها=ولا به تراجع لين يثبت زوالها
وتبقى اليمن حره على منهج النبي=وتحكم بها السنه ويبدر هلالها
وصلوا على خير البرايا محمد=ما اخترقت الابطال جوي مجالها

ابو عبيد
صح الله لسانك ملايين
كفيت وفيت وبيض الله وجهك على هالوطنيه الباذخه
اللهم أحفظ مملكتنا الغاليه من شر وكيد الكائدين
دمت ودام مداد قلمك ورقي حرفك الشامخ
تقديري لسموك
النجلاء

ياسلام عليك يالهواوي
سطور شامخه ورااائعه
عسى الله يحفظ بلادنا من كل واشي وحاقد يارب ويجعل كل من اراد بنا سوء كيده بنحره
تقديري لسموك الطاهر

الله عليك يابو عبيد وافي وجزل قصيدة على الطرق الهلالي
باحت بشعورك الجميل والصادق في حب الوطن والغيرة على الدين هكذا يكون الشعر
اخي الكريم صح السانك سعدت من خلال مروري من هنا طبت وطاب الشعر ودام نبضك اخي الكريم

اجمل وارق تحية

صح لسانك وبيض الله وجهك يابو عبيد

الله الله

صح لسانك واعتلا شانك يابو عبيد
جزل ومبدع ولافيك حيله
سجل مروري وتقديري
يسبقه اعجابي

رآآق لي حرفك
واستهوتني تعابييرك
احساس جمييل مادونته عبر سطوورك
فسلمت بعدد حروفك وابجديات القلم
تقبل
احتراامي

الله الله ياالهواوي
صح لسانك صح احساسك الراقي
ابيات جميله المعاني
مبدع وموغريبه عليك الابداع والجزاله
يعطيك العافيه
تقبل مروري واحترامي
المهره الاصيله