آخر 10 مشاركات |
|
تاج القصيد .. خاص بنزف شعراء رواسي نجد. بالأسم الصريح .. |
انشر الموضوع |
|
أدوات الموضوع | انواع عرض الموضوع |
23-03-2015, 09:25 PM | #1 |
|
ان قلت لك تبت
السلام عليكم جديد الشقاء والله والمعاناة ........ إن قلت لك تبت ، قلبي منك ماتابي = ومن شان حبك حشمت القلب وقدّرته شكاك قلب ٍ بوسط الجوف بك ذابي = نبضة جفاك بحشا صدري مكدرته لاهجرس الفكر أعض إبهامي بنابي = وأدق صدري لطاري ٍ بك ، تذكرته فتحت لك ، باب ، تقديري ،، وترحابي = وكل باب ٍ بخاطري يزعلك سكرّته شوقي لشوفك منوّخ ، عندك ركابي = والقلب ياما ،، على ،، لقياك صّبرته وشوقك لشوفي ، يزاورني للأعتابي =شدّه حنين ، المشاعر ، يوم ظهّرته شوق ٍعليه الحشا ، بالوجد منصابي = من جور مافيه ،، خافي السد بعثرته كل من نشدني عن الحالة والأسبابي = حمدت ربي ،، وحبل الهرج ، قصّرته مخفيه من حاسد ٍ، واشي ، ومغتابي = وعن ناقل الهرج ، بين الناس ، دثرّته طيفك يجيني ،، توالي الليل ، يرقابي = وفي نفسي أقول صفو الوقت عكّرته ونعيش في جو، ما نحسب له حسابي = وقيد ٍ حداني على فرقاك ، كسّرته إن كان ،، ظنك بحبي ،، يالغلا خابي = فظني بحبك حشا ، ما أقول ، غيّرته شوفي دموع الوله منها الهدب شابي = و بالصدر ، ثاير لظى ، صبري تزفرّته بكاك ، قلب ٍ ، وجرحه ، ما بعد طابي = من فرحته بك ،، توفى ،، يوم بشرّته وكفّنت أنا جثة ...! المغدور،، بثيابي = وحطيت لأجل الوفاء بالجوف مقبرته تحيتي وتقديري
محمد بن عمار |
التعديل الأخير تم بواسطة محمد بن عمار ; 23-03-2015 الساعة 09:27 PM
|
23-03-2015, 11:12 PM | #2 |
|
الله الله
صح لسانك واعتلا شانك مبدع الله لايظرك سجل مروري واعجابي الله لايهينك |
التعديل الأخير تم بواسطة مهرة يام ; 24-03-2015 الساعة 12:15 AM
|
24-03-2015, 12:00 AM | #3 |
حزب العاصفه
|
الله الله عليك يابن عمآآآر صح لسانك ملايين ..
جزل وممتع ماشاء الله عليك ..قصيده رائعه بروعة تواجدك وحضورك .. دمت ودام قلمك الراقي .. تقديري .. |
|
24-03-2015, 12:18 AM | #4 |
|
صح لسانك ياابن عمار
ابيات جزله ورائعه يعطيك العافيه دمت ودام ابداعك تحياتي واحترامي |
|
27-03-2015, 10:20 AM | #6 |
|
الله الله
ياسلام عليك يابن عمار كايفه ونايفه وجزله وشهادتي فيك مجروحه الى الابد دمت ودام مداد قلمك ورقي حرفك الراقي تقديري وتقييمي لسموك النجلاء |
مصممتنا المبدعه والمتألقه رحيل الف شكر لك ع التصميم الرائع |
|
|