كشته وحده مع زوجها

دايم ماتجيني وتجيكم صور كشتات وروحات وجيات ومصدرها رجال وشنبات خلونا نشوف كيف حواء تسولف لنا عن الكشتات بسم الله الرحمن الرحيم أما قبل .. هههه يوم برينا بالبر او بربرنا بالبر .. هههه ( اقصد يوم رحنا للبر ) انا وماي هازبند ( زوجي ) جهزنا اغراضنا .. وطبعا لازم نقضي بطاطسات وحلويات ( بطاطسات ..!!؟؟ مدري هي جات كذا ) كشتتنا المنحوسه .. هههه بعدين اقلكم ليش منحوسه مدة الكشتة 16 ساعه .. على فرشه فاخرة تطل على مناظر خلابه مع الإفطار .. ! مشينا تقريبا الساعه ثمان الصباح .. وقعدنا الى الساعه 12 بالليل ( كان بنص الشهر يعني جلسه على ضوء القمر قمة بالروووعه ) أميرة الطلعه / ******* .. احم احم الطباخ / زوجي .. ماي هازبند الكشتة هذه كان أبرز ما فيها أكلنا أكل مو طبيعي في هالطلعة من البرد .. آخر الوقت صرنا نقطع من جذع الشجر ونغطها في الحليب من الجوع ياكثر ما اكلنا هههه المهم هذه اغراضنا وجهزناها وركبنا السياره ودعينا دعاء ركوب الدابه ودعاء السفر وانطلقنا يلا الحين .. .. ناخذ جوله تعريفيه على بيتنا ( مكان كشتتنا ) وربي من كثر ماهو روووعه ان ما في احد يمكم تقدرين حتى تزلين العبايه وتاخذين راحتك وانطلللقي في المكان بكل حريه وراح تلاحظون تغير المكان في بعض الصور .. لان كنا جالسين بمكان وعشان الشمس والنمل وماقدرنا نشب النار .. اضطرينا نغير مكانا وطلع احلى من المكان الاول المهم خلينا بالجوله التعريفيه اول ما وصلنا نزلنا اغراضنا ونبدأ بالمطبخ ههه .. هذا المطبخ .. وهذه الزباله ( اكركم الله ) وش رايكم بس فيها ككككك وهنا غرفة المعيشه وهذه غرفة المعيشه بعد ماغيرنا مكاننا هذه ساعدتني وانا ارتب غرفة المعيشه .. ترتب معي غيرنا مكاننا يمكن ثلاث مرات عشان الشمس هههه هنا المغسل ههههه وبدينا نجهز الفطور شكشوكه على الحطب .. عجيييييبه وشاهي طبعا .. واحلى فطور .. انا بدأت اجهز الشكشوكه وزوجي كالعاده يشب النار ويسوي الشاهي ههههه لا تضحكون علي شوفوا وشلون اكل الصامولي لازم انزل العجين اللي بوسط الصامولي ما احبوووش ههههه 8 .. كان فيه فطور .. الضحى .. حطينا القهوه العربيه واحلى قهوه مع جو رااااااائع وسواليف حلوه .. وتغميسه حلوه .. غطسي التوكس بفنجال القهوه عذااااااااااااااااب هههه وهذه يقال انها غزل البنات بس مدري وش سخطها كذا .. وبما انه كان يوم جمعه فلازم نقرأ سور الكهف وقهوه مع رافايلو ( نقاوه طعم حلم ) هههه وجلسه على الجرايد ولا احلى ... .. الغدا .. الحين تعرفون ليش قلت طلعتنا منحوسه ههههه بدأ زوجي بيطبخ الغدا .. وطلب مني اجهز له بعض الاشياء وجهزتها .. هذا الاشياءجهزتها .. والشاهي مو من المقادير هذا للمخمخه بس هههه وكشنا البصل واللحم والطماطم .. لا تستغربون من اللحم .. مو لحم كبسه صح بس انا عشان ما اكل اللحم .. << نباتيه الاخت .. امزززح بس اللحم ما احبه الا مفروم فاذا مع الكبسه لازم يكون نظيف من الشحم والعظم ..!! انتهينا .. وبعدها غطينا القدر ونحط على راس فرته كاسه شاهي مثل ما تشوفون وبدأت انااجهز السلطه انتهت السلطه وزوجي انشغل شوي بعمله .. وفتحت اللاب بالبر ؟؟ رهيب صح وبعدنا لعبنا بالطياره الورقيه وهنا الطياره .. اعجبت برجال حلوو موت ويهبل وشعره كدش وراحت عنده .. وبعها دااااخت من جمال الكدش و قدر الله عليها وصارت سياره والحين عاد مع العصريه تحلا السوالف مع الشاهي والقهوه انتهىىى

ريوف معجب بهذا

موضوع جميل
مره
وصوره حلوه قوي
اكيد دي رحله متكامله
خدوني معاكم

كشته وفي البر بس الفحم وشهو لا يكون صناعي مشكله ههههه
بس شي يفتح النفس اخذو ام يوسف معكم سلمى خويتكم الجديدة
جل تقديري المهره

ماشاء عليهم هي وزجها وصحونهم حق عائله هذه مو حق 2

لكن بصراحه المكان حلو والارض حلوه الله يهنيهم يارب

ورحلات البر ممتعه بالذات اذا في موسم الربيع

مشكوره يالمهره ع المجهود الرائع

تقديري لك

النجلاء

ههههههههههههههه

والله ان رحلتهم حلوه وضحكت من تعليقاتها الصراحه هههههه

يعطيك العافيه ولاهنتي

دمتي بخير

سلمى
أجمل وأرق باقات ورودى
لردك الجميل ومرورك العطر
تحياتي لك
كل الود والتقدير

الروقي
أجمل وأرق باقات ورودى
لردك الجميل ومرورك العطر
تحياتي لك
كل الود والتقدير

النجلاء
أجمل وأرق باقات ورودى
لردك الجميل ومرورك العطر
تحياتي لك
كل الود والتقدير