اشعلت الغضا

مقطوعه للتواصل معاكم يارواسي نجد

صليت واشعلت في جزل الغضا=واغَبط من مابني عقل البليد
والفكر دكت هجوسه وانتضا=سيف الطواري ودلى يستعيد
ويقول اللي جبينه لا وضا=براق.كثر التذكر وش يفيد
سافرت بالخامس لشهرٍ مضى=واليوم ذا الخامس لشهرٍ جديد
بلدك بعدك من العالم فضى=رغم ازدحام البشر كني وحيد
من روحتك كن في كبدي لظى=اثر. ألم كية الفرقا شديد
انت تعرف وش تظنه واتحظى=في حالتي دامكم عني بعيد
اتعبت خيل القوافي والنضا=وظني بك اتقول لي هل من مزيد
ارجع لي ارجع ترا صبري قضى=الى متى وانت في رايك عنيد
اسخط لفقدك وفي شوفك رضا=ينقص ضغط عودنا ذاك او يزيد

صح الله لسانك يابو عبيد
ابدعت وامتعت بهذه الفاخره الغير مستغربه من شاعرنا
دمت ودام مداد قلمك ورقي حرفك الشامخ
تقديري لسموك
النجلاء

صح لسانك لين تقول خلاص شاعر جزل ولا فيك حيله

وشهادتي فيك مجروحه لاعدمتك

ابو عبيد

صح لسانك مليون

جزل وشهادتي فيك مجروحه

دمت بخير

صح لسانك
واعتلا شانك
ابيات رائعه وجزله
يعطيك العافيه
تحياتي لك

صح لسان واثمرت اغصانك


تسلم ايدك

صح لسانك .. يعطيك العافية

اسخـط لفقـدك وفـي شـوفـك رضــا

ينقص ضغط عودنـا ذاك او يزيـد

صح لسانك ودام بوحك العذب

تقبل تحياتي