السيف الأجرب

تواصليه :

ياسيفنا المسلول .. والشعب سَلّه = تقطر شفاياها ب لون المعاليق
سلمان يالحاكم ترى الشعب كِلّه = بايعك .. والبيعه على راسك إتليق
حنّا فدا رُوس الرجوم المِطلّه = وحنّا الفياض .. وراسك اطول من إطويق
إنهج بشعبك عن ظروف المذلّه = تراك عقب الله .. تبا تفرج الضيق
الدار صار بها ثلاثين مِلّه = و روس النخل باضت علاها الغرانيق!
والله مانبغى مواتر و فلِّه.. = نبغى الامان وذِكر ..ربي على الريق
و إن كان في بعض المجاليس شِلّه = يابو فهد .. في يدك (الاجرب) مع (الميق)
في حرزك الاجرب وتقدر تسِله = وتحت امرك (الميراج) يابن المطاليق
وحنّا جنودك والعهد ما نِحلّه = و بيعتك .. تبقى من كبار المواثيق

_________________________

توضيح لمن لايعرفون ( الاجرب )

الاجرب : سيف

كان له دور كبير بتأسيس الدوله السعوديه الثانيه

و أمس قام الامراء ابناء الراحل الملك عبدالله بإهداء السيف الى الملك سلمان الله يحفظه

ودمتم بخير

صح لسااااااااااااااانك لين ترضاء كايفه ولا هي
غريبه ويستاهل ملكنا رضاء الشعب والمبايعه

صح الله لسانك يابو مشعل
كفيت وفيت وبيض الله وجهك
كايفه ولانستغرب ع شاعرنا الابداع والامتاع والحضور الفاخر
تقديري لك
النجلاء

الله الله

صح لسانك يابو مشعل مليون ولا يسدون

كفيت ووفيت

مرور وعجاب لاهتت

صح لسانك
ابيات فيها من الجمال
والجزاله الشي الكثير
لاعدمنا ابداعك المميز
يعطيك العافيه
تحياتي واحترامي لك
المهره

صح لسانك شاعرنا
ولاهنت على هـ الفااخرهـ

تقديري,’’

اقتباس:

المشاركة الأصلية كتبت بواسطة محمد الروقي

صح لسااااااااااااااانك لين ترضاء كايفه ولا هي
غريبه ويستاهل ملكنا رضاء الشعب والمبايعه

صح بدنك يابن روق

اسعدني وجودك الله يسعد قلبك

تقبل تحياتي

رآآق لي حرفك
واستهوتني تعابييرك
احساس جمييل مادونه عبر سطوورك
فسلمت بعدد حروفك وابجديات القلم
تقبل
احتراامي