قم شبّني للسهر واترك بقايا لقاك ..!

قم شبّني للسهر واترك بقايا لقاك ..! الليل مغري وانا عتابي لجرحك طويل قم شبّني للسهر واترك بقايا لقاك ..! يا جرهدي الورق عقب البطا جاك سيل يدي غمامة شعر وانا كفيل بضماك ..! اخترت اكون الكلام المستثير الثقيل قبل اكسر الخوف يا صمتي واعاند خطاك ..! عطيتك الحلم قبل يكون عابر سبيل سمّيت الاحلام نجمة وان هوت من سماك شفني عذرت السنين وقلت صبراً جميل لا الشوق جابك ولا حزني كسرك وطواك تركتني للمشاريه وجفاف الرحيل ما اظنتي هالسراب يقودني يم ماك ..! خذ لهفتي من حدود الصبر للمستحيل الجرح عاري متى جرحي يحس بدفاك ..! يمكن يمر الحنين وينكسر فيّ حيل واقول عش في حنايا شاعراً ما نساك اذكرك والحب طرقه والاماني سهيل وعيونك النجل تنطق ما يضيع بشفاك والعاشق اللي مقاديره لهجرك تميل في دفتره كم نثر صمته قصيد وقراك ومدام هالليل مغري والمعاتب طويل قم شبّني للسهر واترك بقايا لقاك ..!