اخوكم عاصي

بسم الله الرحمن الرحيم


السلام عليكم ورحمة الله وبركاته





[ اخوكم عاصي ]


ابتدي بسم الله ربي ورب العالمينا
واقول نصيحتي لكل اللي قارينا
من اضعف عباد الله ويالله انك تعين

مو مهم لو شقينا وبعد بكينا
ولو بالدنيا تعبنا وما اهتنينا
دام بالقدر راضين ومتوكلين

لا تقول الحظ دوم نحس علينا
ولا تقول فعلت وفعلت وماجنينا
دامنا متعافين فحنا مرتاحين

الرزق من الله ومقسمه ترا علينا
وكلن ياخذ نصيبه مهما سعينا
لزوم نصبر ونشكر رب العالمين

حياتنا مخيره وهي بين يدينا
وواجب نحمد الله ومانعم علينا
ونعمة العقل من الله تميز الدين

يامسلم لا تحسد ولا تنظر بعينا
ولا تحقد وتقطع رحم المسلمينا
هذا واجب فرض الله على المسلمين

كلن عنده ذنوب والله يستر علينا
وكلن يرجي رحمته رافعين يدينا
عسى الله يغفر ويهدي كل العاصين

ادعو لي الله يهديني ياطالبينا
اخوكم عاصي لاتحرموني الدعاوينا
لكم بالدعوه مثل ماتدعون ياالغالين



وسلامتكم

( بقلمي ابو عبدالله )

دامنا متعافين فحنا مرتاحين

صح لسانك ولاهنت

ومرحبا بك يابو عبدالله وننتظر المزيد من بوحك الجميل

وتقبل تحياتي

صح بدنك اخوي عبدالله
والله يسلمك ويعافيك ...

صح لسانك اخوي
ودمت بود وتقدير

ابو عبدالله
صح الله لسانك
ولاهنت وبيض الله وجهك
تقديري لك
النجلاء

اخواني ... راكان + النجلاء
صح بدنكم والله يعطيكم العافيه .