ابطيت عن رواسي نجد

السلام عليكم يا اهل رواسي ورحمة الله
ادري انكم مولمين المشعاب لطول الغياب لكن انتم كرماء والكريم مسامح هههههههههه
مقطوعه علها تكون شافعا

ابطيت انا عن رواسي نجد ما جيته=واليوم انا للرواسي حيل مشتاقي
المنتدا اللي بربعه ظاهرٍٍ صيته=صرحٍ للابداع ذوق موسسه راقي
اشجا هجوسي قصيده يوم مريته=ولي طاب بدع القوافي عند الاشراقي
يافكر ذكر الغضي جبنه ووديته=واشقيت قلبٍ عليل وتو ما فاقي
لو فيك نخوه وشيمه كان ما اطريته=وانت اتعرف ذكرها يحرقني احراقي
يالترف من هو يودك ليه جازيته= بالهجر وانا احسبك للوصل سباقي
بنار الجفا احميت صيخ وفيه كويته=غير الكوي ياحياة الشر وش باقي
من قال :-حلو الهوى به كيته وكيته=اكيد للحنظل اللي فيه ما ذاقي
لو ذاقها ما تهنا الليل في بيته=وذاق السهر والشقى منها والارهاقي
ياليت ربي نهاني عنه ياليته=اعوذ من سو خاتمتي بخلاقي