خطل الجزال

السلام عليكم مصافحة ذوائقكم ومعانقة شموخكم لاتفئ هذه المشاركة ولو بجزء يسير منها ،،، خطل الجزال خطمت خُطل*الجزال اللي بفكري تطوف وحبل الرسن ، في يدي ، مايارد المشفري وذلّلّت لأغصان بدع ٍ ، دانيات القطوف وجنيت ماطاب ، لي من قافها المثمري قاف ٍ جيوشه فلول ، مجندلات الحروف من حدّ سيف المعاني ، اللي بها تبتري حرّك لواعج غرام ٍ بي ، وعيني تشوف وهبّت رياح الغلا ،، في جرهد ٍ مقفري أفتل ضفاير قصيد ٍ سال فوق الردوف ومناشي البدع ، وابل ، حرفها يمطري الغِيلَم * اللي تهصّرلي ، وتثني الكتوف وشهد الشفايا ، رحيقه نازفه ، يقطري ملهوفة الكشح غرو ٍ بالمشاعرعطوف لو شافها صايم ٍ من غبطته ، يفطري عطبولة ٍ* تشفي العلّة وتبري الحسوف للي على المهر، وفي ما تطلبه ، يقدّري واللي طريح الهوى ماساعدنه ظروف شكواه للي ،، لزلات البشر ،، يغفري مادامها ،، في هواها ، ناوية بالنكوف وهو بعد ، قسمته ، والحظ ،، متعثري عل المقابيل تجلى الشمس بعد الكسوف وتجلى ، كدر خافق ٍ ، بالحب متكدري *خطل جمع أخطل وهي الخيل الأصيلة * الغِيلَم المرأة الحسناء وحسِنة الخلُق * عطبولة المرأة الجميلة طويلة العنق تحيتي وتقديري محمد بن عمار

عبدالله الصقري معجب بهذا

قاف ٍ جيوشه فلول ، مجندلات الحروف
من حدّ سيف المعاني ، اللي بها تبتري

حرّك لواعج غرام ٍ بي ، وعيني تشوف
وهبّت رياح الغلا ،، في جرهد ٍ مقفري

الله عليك محمد

غطرسه شعر وجنون شعور وحبكة شاعريه لاتتسنى الا للقليل

ووخالقي انك جزل
صح كلك ويسعد مسا الشعر ومساك


شظى

الله الله
ياسلام عليك يابن عمار
صح الله لسانك يالجزل
ابدعت وآمتعت وشهادتي فيك مجروحه يالقرم
لاعدمنا وجودك الشامخ والمشرف وروعة قصايدك الفاخره
دمت ودام رقي حرفك وفيض مشاعرك العذبه
تقديري وتقييمي لسموك
النجلاء

الله عليك
صح لسانك
ابيات جزله وفي منتهى الجمال
لاعدمنا ابداعك المميز
يعطيك العافيه
تقبل مروري واعجابي
المهره

صح لسانك شاعرنا
كنت هنا واستمتعت بروعة وجمال متصفحك
لروحك عبق الفل والياسمين

بن عمار

صح لسانك واتعلا شانك

قصيده كايفه ولاع ليها كلام

شاعر جزل وغني عن التعريف

دمت بسعاده وعافيه

صح لسانك ملايين شاعرنا
قلم مميز يستحق المتابعه بكل سرور
نتوق لجديدك القادم
دمت بخير وسعاده دائمه

صح لسانك شاعرنا
شاعر كبير وتطربنا شاعريتك وقصايدك دائماً
دمت بود وتقدير