ماباح بالسـرّ لا قلبـي ولا عينـي

مصافحـــــه أولى أتمنـــى ان تلاقي قبولكم وأستحسانكم

ابا أقطع الوصل ياللي شح بوصالي=ماسدّك انك ثـلاث سنيـن جافينـي
وأبا أقطع اعن الهوى ودروبه حبالي=وأنسى طريقٍ على ذكراك يدعينـي
خلاص روح ابتعد مالك وانا مالـي=اللي حصل من سببك اليوم يكفينـي
اضحك على غيري ليا قلت له غالي=انا خلاص انتهى ما بينـك وبينـي
ياما بنيت الك وسط القلب منزالـي=وياما سهرت الليالي وانت ناسينـي
وياما تمنيت زولـك دايـم اقبالـي=وياما عطيتك لكن مايـوم تعطينـي
عطيتك أشواق قلـبٍ مالهـا تالـي=ولا الله عطا منك غير انك تعنينـي
اليوم ابا كمـل المشـوار بلحالـي=مابيك مابيـك فالرحلـه تخاوينـي
وان مر طيفك مع الذكرى على بالي=ماباح بالسـرّ لا قلبـي ولا عينـي

الله الله الله الله
الله
على هالابداع من المبدع
بيض الله وجهك وصح السانك
شهادتي فيك مجروحه يابو رسام
تقبل مروري واعجابي وتقديري
لاهنت

عقااااب


صح لسانك


بيات جميله وجزله من شاعر رائع وجزل



تقبل مرور اخوك مرهف الاحساس

صح لسانك وتسلم يمناك
ابيات في قمة الجمال
وعزة نفس
الله عليك
اخوك
ود الغنامي

عقاب العتيبي
للحضور عنوان
وللبوح إتقان
ولمعنى الشعر جزاله

صح لسانك وكلك
ودام هالكينون بكل خير وموده

صح السانك ياعقاب
وحياك الله عند النشاما
جزله من راس جزل لاهنت
تحياتي وتقديري

يامرحبا ياعقاب

ياهلا براعي الجزلات

هلا بالذيب عقاب


صح لسانك وعلا شانك

شاعر جزل وشهادتي فيك مجروحه

مبدع شاعرنا القدير
صح السانك وبدنك اسجل اعجابي
ومتابعتي لك كنت رائعاً بطريقة تلامس القلوب
دمت بخير