بــنــــت الشـــيــخ

كل ماغنت على خضر الورق قمريه=نقضت كل الجروح المرمسه بغناها
قمت اجاوبها وفكري يضرسن رحيه=وتذرف العين الشقيه يامحمد ماها
من سبايب عنق ريمٍ شفتها عصريه=يوم مرت مسرعه ثم قصرت فـ خطاها
شالت الغطوه ولدت يامحمد فيه=نظرتٍ من عينها الخرساء عجزت اقواها
رمشها مثل الرماح مسممه مبريه=لو تطب بحرب مايحصى عدد قتلاها
ماتقلد بالف تركيه ولا سوريه=الله اللي بالجمال اليوسفي غطاها
بنت شيخٍ ٍفرق عن هذي وعن هذيه=مهرةٍ حتى الثراء شفقٍ على ماطاها
من سلايل روس قومٍ يحتمون الهيه=لابةٍ يفرح بها المضلوم لامن جاها
محتمين حدودهم بالشلف والهنديه=ويدفون الروح دون الوضح في مفلاها
والبيوت مشرعه والنار دايم حيه=والضيوف يكرمون من السمين لحاها
يابو فيصل لاتلوم القلب فـ الروقيه=دام قلبي تلته معها عساه فداها

رحيل ,ريوف ,الملكة معجبون بهذا

الغنامي
صح الله لسانك يالجزل
كايفه ونايفه من شاعر مبدع ومحترف
دمت ودام مداد قلمك ورقي حرفك وفيض مشاعرك العذبه
تقديري وتقييمي لسموك
النجلاء

النجلاء

صح بدنك يـ الاميره

النايف وجودك بمتصفحي وتقييمك

لاهنتي

صح لساااانك يالغنامي
كايفه وشهادتي في جزالتك مجروحة
مروري وجل تقديري

صح بدنك يالروقي

شهاده اعتز فيها

لك اجمل تحيه

صح لسانك الغنامي
معزوفه تتوشح بالجمال والمشاعر الراقيه
دمت بخير وسعاده دائمه

الريم

شاكر لك وجودك الجميل

صح بدنك ولاهنتي

دمتي بخير

صح لسانك مليون يالشاعر
قصيده جميله بكل مقاييسها
نتشوق لجديدك القادم بكل الشوق
لروحك عبق الفل والياسمين