مجاراه لشاعرنا القدير محمد بن عمار

الصوت من شاعرنا القدير/ محمد بن عمّار :

أدنيت أنا الدلـّة ،، وجبت الفناجيل = مع حمسةٍ تجلى الكدر ،، والخمالي
بأقعد عماس الفكر، عن هكعة الميل = وأسمر مع القيفان ،، ساهر لحالي
سر ياقلم ،، وإكتب ، بديع التماثيل = من هجرسة قاف ٍ ،، بفكري طرالي
ارسل طواريقي ، وعذب المواويل = للصاحب ، الوافي ،، كريم السبالي
وأخص ابو مشعل ، سليل الحلاحيل = ذرب اليمين ،، امعرّب ٍ ، الخوالي
عندي مقامه معتلي ، نجمة سهيل = وقدره ، على قلبي ، عزيز ٍ وغالي
سلّم عليه ،، عداد ،، مزن المخاييل = وعداد ، ما وادي ٍ من الغيث سالي

____________________

الصدى بقلمي :

( يامرحبا ترحيبة البدو بالسيل ) = وإعداد مالاحت بروق الخِيالي
ويامرحبا بالهجس في تالي الليل = اليا صدر من راس قرم العيالي
غالي ومن غالين واغليه بلحيل = وغلاه دايم عندي اول و تالي
يامحمد العمار يابن المشاكيل = هيضتني بالقاف يابن الحلالي
ارسلتها مثل الاصايل من الخيل = ونقدتها نقد العرب للريالي
ما ابقيت من زين القوافي محاصيل = ولاعاد باقي لي وراها توالي
واحرجتني بالمدح يا وافي الكيل = وارويتني بالشعر عذبٍ زلالي
وانا اشهد إلك ويشهدون الرياجيل = إنّك مع الشعّار جزل ومثالي

وسلامتكم

عبدالله الصقري معجب بهذا

والله مااحلا من الصوت الا الصدى
وفيتو وكفيتو ويبيض وجهك يابو مشعل
كنك نعنشتني للقصيد وخوك والله انه تعبااااااااان
اقبل مروري وجل تقديري

الله الله
ياسلام عليكم شعرائنا الغالين
صح الله لسانك يابو مشعل
وصح الله لسان الشاعر محمد بن عمار
كفيتو وفيتو وابدعتو صوت وصداء في قمة الروعه والجمال
لاهنتو على هذه الابداع المتواصل والعذب
تقديري لوجودك الطاغي وتقييمي لابدآعك الامحدود
النجلاء

عبدالله بن طلال
لامست قلــبي قبل عيـــــني
بصراحه اقف حاائر امام بووووحك الجميل
تقبل اعجابي الشديد
ببوووحك المميز ونبضك الرائع
لكـ مني كل أكاليل الورد
دمت بــرضى من الرحمن

صح لسانك شاعرنا عبدالله بن طلال
الصوت والصدا رائعين
تمنياتي لكم بالتوفيق
دمت بود وتقدير

صح لسانك ملايين يالشاعر
استمتعت بوجود الصوت والصدا جميعكم مبدعين ورائعين
دمت بخير وسعاده دائمه

صح لسانكـ شاعرنا القدير
دمت بتقديري واحترامي

صح لسانك يالشاعر
جميل ماوجته هنا صوت وصدا بغايه الروعه
لروحك عبق الفل والياسمين