أغصان القريحة

السلام عليكم عندما تتحد الأحلام والرؤى في حيّز ٍ ضيق من ساحة الفكر المنغلقة فإنها تكون أقرب للحقيقة من الخيال شكلا ً، وشاعركم لديه تفسير لهذه الأحلام ذات اللون الوردي بطريقته الخاصة ...! أغصان القريحة تعالي ،، هزيّ أغصان القريحة هزّة ٍ بالهون خذي ما لاق من جزل المعاني واتركي الباقي تعالي أشعلي ، شمع الأمل ، يا لطائر الميمون تعالي ، انثري ، نفح العبير ، بعطرك الراقي تعالي فكيّ أصفاد الأسر، من كاحل المسجون و روفي بحالة اللي ينتظر ، إذنك با لإطلاقي عقب صدّك وهجرك ، ما بقى للزاد طعم ولون وصار الشرب من زود الشقاء ماهو ب ينذاقي سمان الهرج تطربني ،، وأنا من قبلها محزون و يهّيضني جزيل القاف ، مشعل نار الأشواقي تواقد في محيط الصدر، لاعج شوقي المكنون على روض الحشاء نار ٍ سناها يحرق إحراقي وفاحت دلـّة المعنى ، على جمر الحشا المدفون ومن عثق السنين أقد ع مرار الصبر ، ترياقي ومسباح القصايد ، ناظمه من فكري المشطون على الإبهام ، والشاهد ،، أقلب ، جملة أوراقي تصافحني ، تصاريف الزمان ، بكفها المشحون خضا ب ٍ نصفه ا هموم ٍ ونصفه ضيق و إرهاقي على اللي شفت لون الورد في وجناتها مدهون وبياض اللولو اللي في الثنايا ، يشرق إشراقي تهزّع ، بالمشي ، مع نابيات ٍ ، خلفها يشكون كما هزعت غضيض الورد في ظل ٍّ على ساقي متى ما لدّ ت بطرف ٍ ،، حجاجه بالشعر مقرون كفخ قلبي ، مع النظرات ، وسط الصدر خفاقي على سدرة غدير الوجد ، تبكي الفاخته بلحون يجاوب نوحها الخفاق بأقصى روض الأعماقي أهدّي ، ثاير العبرة ،، وعيني تنثر، المخزون وبين الرمش والوجنة ، أكفكف ، نزف الآماقي وأنا لولا الحياء ، وأخشى يقولون الفتى مجنون وحق اللي ،، بنى من فوق خلقه ، سبع ٍ طباقي لأجهّز، عدة الغازي ، وأصبّح ديرة ، المضنون و أطفيّ ،، من لهيب ٍ ،، داخل الوجدان حرّاقي ويحلى النوم من عقب اللقاء بالصاحب المزيون ونفتح ،، للوصل صفحة ،، على عهد ٍ وميثاقي مدام الموت سنة ، وش بلا بعض العرب يبكون إذا جت سكرته ، و التف ساق ٍ ، من على ساقي يطيب الوقت لك ساعة وساعات ٍ يضيق الكون ومهما ،،، طابت الأيام ،، فيها ،، ساعة فراقي رابط الحماية مودتي وتقديري محمد بن عمار

اولا الحمد لله على لاسلامه
بعد الخبر الي سمعناه

وصح لسانك لين ترضاء ,’, مرور وشكر وتقدير يا بن عمار

[FONT="DecoType Thuluth"][SIZE="7"]

أخوي العزيز / محمد الروقي
سلمت وسلم غاليك من كل شر
والحقيقة الخبر جاء متأخر لأني
وصيت الولد عبدالعزيز وإنشغل معي
والحمد لله ، وصح قلبك وفكرك ونبضك
مرورك المميّزابداع وتألق
والجزالة هي تواصلك الراقي
لاهنت ولاهان رأسك
مودتي وتقديري

وأنا لولا الحياء ، وأخشى يقولون الفتى مجنون
وحق اللي ،، بنى من فوق خلقه ، سبع ٍ طباقي

لأجهّز، عدة الغازي ، وأصبّح ديرة ، المضنون
و أطفيّ ،، من لهيب ٍ ،، داخل الوجدان حرّاقي

ويحلى النوم من عقب اللقاء بالصاحب المزيون
ونفتح ،، للوصل صفحة ،، على عهد ٍ وميثاقي


,
’

الله الله
ياسلام عليك يابن عمار
شاعر جزل ولا فيك حيله
ابدعت وامتعت بهذه الفاخره الرائعه ولا هي غريبه على شاعر الجزاله والابداع
تقديري وتقييمي لسموك
النجلاء

صح لسانك بن عمار
قصيده رائعه كما تعودنا من شاعرنا دائماً تروق لي قصايدك
دمت بخير وسعاد دائمه

الله الله

صح لسانك يابو عبد العزيز

جزل ومبدع يسلم هالفكر

مروري واعجابي

لاهنت

الغنامي

صح لسانك يابو عبدالعزيز

مبدع وجزل الله يحفظك

صح لسانك شاعرنا
قصيده رائعه جداً من شاعر مبدع استمتعت بتواجدي بصفحتك
دمت بود وتقدير