اقلط هنا يا هاجسي وانظم على الوزن الثقيل

السلام عليكم ورحمة الله وبركاته

لكم هذه الارشيفيه للتواصل واعتذر عن الغياب.

,,,,,,,,,,,.,,,,,,,,,,

اقلط هنا يا هاجسي وانظم على الوزن الثقيل = للي فهيم ابمنطقي واللي حذر من مقصدي
ادري ليا مني دعيتك جيت بالحرف الجزيل = قافن يحـيـّـر كل شاعر فحل وألا مبتدي
لي عهد فيك وخابرك تصـْـخَر لي اللي مستحيل = مهما اعرضت لك عارضه ما خيـّـبت فيك جهدي
انحت على صم الصخر وأشرف على الرجم الطويل = وأبدع معاني قافيه وأطمس بها نجم الجدي
وانظم على ما يدرك الفاهم وابين للعميل = ويطول هرج اللي على التحليل ما هو مهتدي
توضيح لأهل الذايقه توضيح للقلب النبيل = وتوجيه للي محتمي بالشين والفعل الردي
لاشك بعض قلوب خلق الله تفوح وتستهيل = قد عطبت ثم عطبت واليوم فجرها ازهدي
ماني معبرهم مدام السف له كفن يشيل = مير الوكاد المحقريه فوحها يندي ندي
كم سالفة بين الملا شاعت من اسباب الذليل = اللي يدلونه على الطيبه ولكنـْـه إيغدي
قلبه حشاه ابليس وإيهاذي صباح وكل ليل = ما يدري ان الضلع راسي ما يهزه معتدي
يمساندين اعبيد وايا زيد شوفوا هالحصيل = هذا قراراً بالحقيقه صار هاليوم ابيدي
ما من فوايد بالدعيه لو بذلتوا بالف حيل =يكفي علومن كايده للـشـّـر تحديكم حدي
لا تامنون السيل قولوا من هو اللي ضد سيل= حتى البحر لا تأمنونه لو شواطيه اتهدي
اقولها والعرف يأهل العرف ماني له دخيل = جبلة ٍ ربي خلقها في شرايين اجسدي
فالكلمه اللي ما لها مدلول ينسب للدليل = مردودها للي نطقها وأفهموا وش مقصدي

.........

وسلامت قلوووبكم

الله الله
صح الله لسانك يالجزل
ابدعت وامتعت يالميموني
غبت وعدت بهذه الدره الثمينه
دمت ودام رقي حرفك وماتفيض به مشاعرك العذبه والراقيه
تقديري وتقييمي لسموك
النجلاء

وسلامة قلبك وكلك من كل شر ... ابدعت بكل ماتعنيه كلمة الابداع من معنى

الله يعطيك العافيه .... تقبل مروري يامميز

صح لسانك يا عبدالرحمن

ابدعت في الحبك والسبك والتوجيه وصغت درّه غاليه

لاتبخل علينا بجديدك وبمكنون ارشيفك الثمين

ودمت بود وتقدير

صح لسانك ملايين
جميل مانثرت هنا استمتعت بتاجدي بصفحك
دمت بخير وسعاده دائمه

مدآئن شكري لك على مد النظر
متصفحْ رآئع حد السماء
سلمت يمينك وسلم كلك
لروحك الياسمين

صح لسانك شاعرنا
قصيده رائعه وحضور مميز
دمت بود وتقدير