اجواء ربيعيه

مرحبا يارواسي نجد والعيد فات=ياعسى كل يوم يمركم يوم عيد
اسف على طول الغياب الذي ليس له مبرر
واليكم هذه الخاطره كتوقيع حضور فقط

الا ياهجوسي خل غيض القصيد ايفيض=عن النازله شم.. والطويله تسلقها
واسرج لي خيول الشعر واستنفر القريض=ولو ان القريحه ما اسعفتني لطلقها
لجل من نباها يبري المدنف المريض= بإذن مودع البسره نواها وفالقها
ليلة سبتنا البارح بداية ليالي بيض=ولهن رابعه عزي لقلبٍ تعلقها
لها في خفوق مودها حب ما يغيض=ولها في شغاف القلب صوره معلقها
سطع نورها والبدر نوره غدا وميض=ضياه اختفا مع نورها جل خالقها
والاجواء ربيعيه جميله بعز القيض=وانوار الكواكب خافته من تألقها
ولو للوقت قيد ايحيره لابغوه ايريض=ساعاته ما راعتني بسرعة تطلقها

الله الله
صح الله لسانك يابو عبيد
كما تعودنا من شاعرنا الابداع والامتاع والجمال والكمال بكل ماتفيض به مشاعرك العذبه والراقيه
دام وجودك ورقي حرفك الشامخ
تقديري وتقييمي لسموك
النجلاء

هلا يالهواوي
ومرحبا من جاب ماغاب
اطرب لحروفك وستغرب بخل الكريم على الي يستاهلون

صح صح صح لسانك لين تقول خلاص

يعطيـك ـآلـعـآفيـه على طرحك المميز...
دومآ بآنتظاار المزيد من جديدك القآآدم...~~
الك خاالص آحترآمي

الا ياهجوسي خل غيض القصيـد ايفيـض

عــــن الـنـازلــه شــــم.. والـطـويـلـه تسـلـقـهـا

صح السانك ياالهواوي

قصيده كايفه من شاعرٍ عدّا بالنايفه

دمت بهذا التميّز ودمت كما تحب

صح لسانك ملايين يالهواوي
ابداع يعانق قلوبنا وذائقتنا بجمال حروفك الراقيه
دمت بخير وسعاده دائمه

صح لسانك يا عذب

يهيضني الشعر الحقيقي معه و أهيض = وبغيت القوافي مير ناصر مغلّقها
هجوسٍ تجي من غيض مدري تجي من فيض = لكن مثل غرشة شهدٍ العود دالقها

ياسلام عليك ياناصر .... ابدعت وتميزت بصراحه بهذه السطور الراقيه
دمت كما انت فاخر وشامخ ..
تقبل مروري