آخر 10 مشاركات
|
|
|||||||
| تاج القصيد .. خاص بنزف شعراء رواسي نجد. بالأسم الصريح .. |
 |
| انشر الموضوع |
|
|
أدوات الموضوع | انواع عرض الموضوع |
26-02-2009, 10:42 PM
|
#1 | |
 
|
الشارده
السلام عليكم ورحمة الله وبركاته اقدم اليكم هذه القصيده واتمنى ان تشفع لي على فترة الغياب الماضيه ولكم التحيه ودمتم بود البارحه يا هلي في مرقدي مع فج الاسحار = لِفتني الشارده والشارده نعم الخويه ناظرة فيها وقالة قوم نبغى نروح مشوار = قلتلها وين قالت ودنا نرقى طميه قلتلها الصبح قرب والعرب قصاصة آثار = قالت وربي لردك قبل يوف الصبح ضيه وسارة بي الشارده تعدي بنا في درب الاخطار = وانا اتهيض وهي تذرف مدامعها عليه في خطوةٍ وحده تقطع بنا ميات الامتار = ارمشة فالسر وليني ورى شعب الحويه وقامة تزيد الخطى وتقول الي يا نسل الاحرار = جود لجامي وخل الشعر ما لِه قابليه واذا وصلنا طميه هات الي جزلات الاشعار = والحين جود لجامي قدمنا ناسٍ رديه وسارة بي بدار قومٍ ما سمعة ابهم فـ الاخبار = ما باقي الا منازلهم به الدنيا خليه وقابلة في طرقتي ثلاثة رجالٍ لهم شار = والكِل منهم يقول انه ما به مخلوق زيه الاول ايقول انا لِك في زمانك شِعلة النار = هيا معي حالف انك تحكم اهل الجاهليه والثاني ايقول لا تمشي معه وتقل مقدار = هيا معي يالرقيب ولا على مثلك خفيه والثالث ابدى السلام وقال الي وش فيك محتار = ما منهم الي على تقوى ولا يعصى نبيه لاكِن روح فسبيلك يمكن تلاقي لك اخيار = وقفية عنهم وشوف الشارده ما هي رضيه ونشدة يالشارده وش تخفي ايامي من اسرار = قالت على الهون يا سامي ترى رجلك حفيه احسب خطاوي رجولك واعرف ان الرجل لو سار = مية سنه في حياته تصبح احلامه نديه لاكنك بغلطةٍ وحده يصيبك هم وهذار = وتعيش عمرك بسبة غلطتك حالك شقيه وناظرة فالشارده والشارده ساقة لي انظار = وقلتلها وش مصير الي وقع في ذا البليه قالت جميع الذي تحمله يا ذا الشاعر اسفار = ورقية قمة طميه مرقبٍ ما هو بعيه وشبية ناري عساها فالزمن تكون تذكار = وسوية الي قهوةٍ نقيتها بيدي نقيه والشارده عن يميني قد حدتها النار ليسار = حتى ايش لو هي توارى عن لهب نارٍ لظيه وقامة هجوسي توارد مثل مورد غزر الامطار = على الغزال الذي يمين برج الفيصليه يا مالِك الفيصليه قول الي وش له ذا الانوار = وانت القمر عن يمينك جاك من ربي هديه بنشدك يا برج يمكن جات الك تبحث عن سوار = ولا تبى عطر لا والله تجيك الا لذِيه العطر فيها ومنها يا عرب وخدودها ازهار = وهي غزاله وفيها المسك من ربي عطيه انشد جميع القبايل عنها واحدد الدار = واخص الآد السعود الي على القاله وفيه وربعي عتيبه وشمر والحروب ان كان حظار = وقحطان ومطير والغلبا قبل يوم المنيه وآل الرشيد وبني وايل ومره واضرب الطار = مع البقوم وجيهنه والدواسر عن بنيه يا من يجيني بها من قبل ياتي قصف الاعمار = واعطيه ما تملكه في هذي الدنيا يديه ويا من يقلي وش اتلا اخبارها في وقت غدار = في وقت فيه النوايا تفترق مليون نيه والله ماني من اهل الشر واتبع قوم الاشرار = وما هي من اهل الفتن مصيونةٍ ما هي بغيه لاكن غلاها بقلبي يرتفع مع رفع الاسعار = ولالي على فراقها حيله ولا لي مقدريه اما اوصلوني مرادي يا عرب قبل ادخل شهار = ولا اقتلوني مسامحكم ولا نحتاج دِيه ترى فراق الحبايب مثل بركانٍ ليا ثار = لو هو هدى الصبح ترجع ثورته وقت العشيه يجتث قلبي مع عروقه مثل سربٍ ليا طار = يطير فـ الجو مبعد عن حمى ظلوعٍ حنيه لا وا وجودي وجود الي غرق في غزر الابحار = في ليلةٍ موجها يسمع من الشاطي حتيه سمعو صراخه من الشاطي وقالوا صوت تجار = فرَحة نهاية سفرهم طبعهم دايم كذيه في ظلمة الليل يصرخ فالبحر ويقول يا جار = عليك مني امانه لا يجي لاهلي اذيه حتى غشاه البحر والموج فوقه عشرة ادوار = محدٍ درابه وروحه في حمى رب البريه اخوكم / سامي الرقيب
|
|
|
|
27-02-2009, 12:48 AM
|
#2 | |
|
•(-• عـزام •-)• مؤسس
|
سامي الرقيب
صح لسانك ولا هان راسك وانا عندي ملاحظة بسيطة على الشطر [[قلتلهـا ويـن قالـت ودنــا نـرقـى طمـيـه]] طمية حفرة وليس جبل وان صح التعبير مقلع طمية لو قلت مثال [[قلتلهـا ويـن قالـت ودنــا نـنزل طمـيـه]] لستقام المعنى ارجو ان تقبلها بصدر رحب والقصد في الاول والاخير الرقي بهذا المنتدى تقديري واحترامي |
|
|
|
27-02-2009, 01:41 AM
|
#3 | |
|
إقتباس:
أرسل أصلا بواسطة خالد الغنامي  سامي الرقيب صح لسانك ولا هان راسك وانا عندي ملاحظة بسيطة على الشطر [[قلتلهـا ويـن قالـت ودنــا نـرقـى طمـيـه]] طمية حفرة وليس جبل وان صح التعبير مقلع طمية لو قلت مثال [[قلتلهـا ويـن قالـت ودنــا نـنزل طمـيـه]] لستقام المعنى ارجو ان تقبلها بصدر رحب والقصد في الاول والاخير الرقي بهذا المنتدى تقديري واحترامي حياك الله استاذي خالد الغنامي وصح بدنك ولا هنت على مرورك الي يشرفني اما بالنسبه لطميه فالمقصود به طميه وليس بمقلع طميه وطميه جبل موجود بين المدينه وحائل اما مقلع طميه فالكل يعرفه شرفني مرورك ودمت يا استاذ بكل ود |
|
|
|
|
27-02-2009, 04:22 AM
|
#5 | |
|
سامي الرقيب
صح لسانك وجاد بيانك لكن ودي أسأل من باب العلم الطرق هذا مجالسي ولا وشهو تراني والله عجزت مالقيت له لحن دمت ولاهنت ياسامي |
|
|
يزفك الليل واحلامي تغني لك =تعال ياطيف عشقٍ عشت مجنونه
بحلمك وأقبلك وأسمع تعاليلك = وأذوق منك الغلا وأعزف لك فنونه
|
|
27-02-2009, 08:41 AM
|
#7 | |
|
ابداع ليس غريب عليك ياسامي
بيض الله وجهك صح السانك يالجزل الحمدالله انك ماذكرة الحرث هههههههه تقبل مروري بكل ود |
|
|
|
|
04-03-2009, 10:09 PM
|
#8 | |
|
إقتباس:
أرسل أصلا بواسطة غازي العتيبي  صح السااانك ولاهنت يالذيب مبدع دايمن تقبل مروري السريع غازي العتيبي صح بدنك ولا هنت يالذيب شرفني مرورك الكريم ولك التحيه ودمت بود |
|
|
|
|
«
الموضوع السابق
|
الموضوع التالي
»
العرض العادي
|
|
