وديي بشوفه

<b>

حيا الله اللي يغيب ويسرع الرده

اللي يجيني الا منه تباطاني

قلب يوده وحالي كنها القده
ودي بشوفه ودونه حوم عقباني

ياصاحبي جارك الله ويش هالصده
مهوب حق تولعني وتنساني

ان كان عندك حكى بي خامل السده
فأنت المصدق وأنا حقي وما جاني

أهرج على ما تورى والبخت بده
لا تستحي يابعد حيي وحياني


ترى طراة الهوى لاطالت المده
مهوب يوم صديق ويوم قوماني

وإن كان ما أنتب مصافيني على الشده
وقت الرخا واجد ربعي وخلاني

</b>

الل الله ياسلام ع الانتقاء الذوق
شيله رائعه ولحن اروع
لاعدمنا وجودك وعطائك المميز
تقديري لك
النجلاء

سلم احساسك ونقلك الرائع ،،
ودي لروحك ،،