غازي والزمن المر ووصل الاقارب ؟؟؟

بسم الله الرحمن الرحيم
السلام عليكم ورحمة الله وبركاته
اليكم اخر ماكتبت ارجو ان تنال اعجابكم

ياويش باقي من هموم الزمن باقي=ماعل فالنفس ويعكر مصافيها
يالله رحماك منها يالله الواقي=ماغيرك اللي أرتجيته في مداويها
مقدر أطير السماء دام الفلا ظاقي=تعبت أنا مقدر ايامي أجاريها
أول زماني صفالي جوه الراقي=واليوم نفسي ردا وقته يباريها
وشفيه صار الزمن بالحيل عواقي= جاير وكنه علي نفسي معاديها
وليا صفا الجو كنه بالسعد فاقي=دارت قواليبه ابلوه مضويها
يعقاب ماصار فكري فكر رواقي=وليا تركت البشر ماني بناسيها
والله لوصالكم بالحيل عشاقي=هاذي ضروفي ومثلك من يراعيها
شاقي وياليتك أنته منته أبشاقي= كن المراره بحالي ملك شاريها
لاكن شايبك وشلونه والأشقاقي=والربع وشلونهم عزوه بطاريها
العزوه اللي تنومس كل ذواقي= للكيف والطيب وتنومس مخاويها
سلم عليهم سلامن فيه الأشواقي=منضوم في جملتن غازي مسويها
وختامها عد شمسن تشرق أشراقي= صلاة ربي علي المختار نهديها