شيله ( مرت سنه )

شيله لقصيدتي مرت سنه

بصوت المبدع ضيف الله الحربي







القصيده كتابيه :

مرّت سنه والقلب (مِحْرِمْ وصَايـم) = يِخيلْ بَرْقْ الوصـل حولِـك ويمّـكْ
أحيان جـوّه عَـجّ واحيـان غايـم = وحاديه وقته عـن مواريـد جمّـكْ
ميّت على شوفـك ومغـرم وهايـم = ودّه بقربـك ، و إيتمنّـى يضمّـك
وإن طعتنـي دامـه يـردّ النسايـم = (إلحق عليه) ان كان وضعه يهمـكْ؟
ما عاد يسمع فيـك ناصـح ولايِـم = اهـل الـدوادي و الكـلامْ المنَمّـكْ
انـا و عذّالـي مـا غيـر إنتزايـم = ولا أسمح لأحد منهم بكلمـه يذمّـكْ
وان قلت دلّونـي علـى حـلّ دايـم = قالوا لي: (إنسه والعوض بنت عمّكْ)
متى على الله يصبـح الحـظ قايـم = بقـدرة كريـم انـه عليّـه يلمّـكْ
بأمره .. يسوقك من يسوق الغمايـم = من بعد مانبدي على أبـوك وأمّـكْ
بالمال , وإن عيّوا , حَذفْنا العَمايـم = تجي معي لازمـك بأطـراف كِمّـكْ
نفـرح بجمعـة شملنـا و إنتلايـم = وننسى العذاب وكـل همّـي وهمّـك
كنّي بيوم (النصْرْ) وأنت (الغنايـم) = لاصِرت في بيتي .. بلحْمِك ودمّـك

صح لسااانك لين ترضاء جزل وقلبك رايح فيها الله يجيرنا من ماصابه هههه تقديري

راآائعه ،،
سلم احساسك ونقلك الرائع ،،
تقديري لك ،،

الله الله

صح الله لسانك يابو مشعل
شيله رائعه اعجبني اللحن والصوت والاداء
دمت ودام الوجود المشرف
تحياتي لك
النجلاء

عبدالله

راآائعه ،،
سلم احساسك ونقلك الرائع ،،
تقديري لك ،،

يعطيكـ الـف الـف عافيـهـ

مشكورين الله يعطيكم العافيه على اضاءة متصفحي

لاعدمناكم ابد

_______________




محمد الروقي