صوت وصدا..ابا اطوي الغرب

صوت الشاعر ..ناصرالهواوي

سلام يابو طلال بريح جاوي وشيح=حبيت اسولف معك مادامها رايحه
غشين والارض فاح إلها مع الرش ريح=عبد الصمد شمها واعذر بروايحه
ياراعي المول خذ فحوى الكلام الصريح=اجتاحت القلب من ما فات له جايحه
لااغفيت لحمى الجفون اطيوفها تستبيح=والصبر يامسندي مخازنه بايحه
(وابو سعد قال ذكر اللي مضى) بك قبيح=وانا ابي نسيانها لو تسكت النايحه
الله عساه لعميد القاف عنها يبيح=زله بعد قالها به هقوتي طايحه
وانا ما الومه كلامه حق وايضا صحيح=لولا بيوتٍ على توقيعته سايحه
ولو المشاعر تروق وخاطري يستريح=القاف ماكل يوم لواحدٍ شايحه
كان اقلع الغرب والمحال واطوي السريح=ولاتسمعون إلبنات الفكر ابد صايحه

صداي...

عارضت نو الخيال وشفت برقٍه يليح =وسالت تليع الديار وشربت افسايحه
من غشنتٍ جت على غفله ولمحت لميح=وفيها البرد لو يصيب الراس جت جايحه
وعنز بها يم عبدالله وخبري فصيح =شاعر ويعرف صنوف الشعر ومايحه
ويجض مما حصل ومرار اشوفه يصيح =والصبر علقم على ناصر وكم زايحه
وابو سعد قال نصح وكون ربي فسيح=واعطاه ملحت كلام ومبدي انصايحه
ولا قال كلمه غلط قوله صحيح ومريح=لكن مالوم ناصر دلته فايحه
وشوفو اعترافه بخطه عقب بيت المزيح=واللي يهجرس يدور شي في الضايحه
ومشاعر العود من مده ولا هو شحيح =ويرهي بها من عدم وتجود من شايحه
والعد هداج تيما ماش خوف ومبيح=والجزل من جزلنا وتهيض اقرايحه
خصٍ ليا شاف ريم وعدها للمديح=اتشوف برق ورعد بمزونه اللايحه

صح لسانك لين تمل منها
جزلين والبيرق فاااااااااالكم

ياسلام عليكم شعرائنا
صح الله لسان ابو عبيد وصح الله لسانك يابو تركي
صوت وصدا رائعين
دام الوجود والعطاء والحضور المميز
تقديري لكم
النجلاء

راآائع
صح ألسنتكم ويعطيكم الف عافيه ،،
تقديري لكم ،،

^^

ابيات رائعة بحق
ابدعت يـ شاعرنا