صوت ذعار وصدى الهواوي

صوت للشاعر ذعار العتيبي

ناصر هواوي والهواوي ما ينلام = مسروق قلبه من سنة جد جدّي
عزّي لناصر من كثيرات الاوهام = قلبه خضر والوقت يبغى تحدي
لا شاف ريميه قال الدرب قدام = رغم ان دربه للمهالك يودي
يلزّ له صِدّام في جوف صدام = وسوّا مثل قود العما للمقدي
ياناصر ارحمني تراني من العام = اشكي وما بيحت للناس سدي
خلي قريب ابعيد واجروحي اعظام = والحال عقبه يالامير امتردي
لاتشتكي يالقرم من ظلم الايام = لعلها أزمه مير يمكن تعدّي

صدى لي

با ارد لو الرد ما ظني الزام = لكن من اجل ذعار ملزوم اردي
شاعر ويحكم صوغة ابياته احكام = وله فتلةٍ للقاف تاخذ وتدي
لاعادلٍ مره ولاهو بظلام = ابواردي رميه للاهداف مدي
مذهب وينشد من صلاله الى الشام = مشحان صدر بكل ضلعٍ يعدي
ياذعار انا واللي مقربك منضام = وصبري تقلص والزمان امتمدي
واسج مع بدع القوافي والانغام = لعل دقاتٍ تسارع اتهدي
ولقيت في ترويض الاعضا والاخصام = سعة صدر لوكان ماهوب ودي

صح والله لساانك ولساانه
مركز اول فاخر ام الجزاله ولا اروع من الصوت الا الصدى
تقبل جل تقديري وعذري عن قصور ارتقا وجودي امام فخامة ماوجدت

صح لسانك يابو عبيد وبيض الله وجهك

وصح لسان المصرقع

دمت بود وغلا وتقدير

الله الله

صح الله لسانك يالهواوي

وصح لسان ذعار

صوت وصدى ولا اروع مبدعين وجزلين ولافيكم حيله

دام هالابداع والحضور المشرف

تقديري وتقييمي لسموك

النجلاء

وصحت للجميع الابدان وطهرت الاردان
ودمتم وسلمتم ولاهانت روسكم
وبيض الله وجيهكم

ابدااااع راقي
وفي منتهى الروعه والجمااال
كلمااااااااات من ذهب
ومعطرة بعطور ساحرة
لاعدمنا كل مايخطه قلمك لنا
تحياتي وعبير ودي

تسلم يمناك على السطوور الالماسيه ... ابدااااع خالط الفخااامه بكل معنى الكلمه

واااصل التميز فسعادتنا عندما نتنقل بين هالسطور الخرافيه

تقبل احترامي لسموووك الشامخ

يا سلام يا سلام..

إبداع صوت وإمتآع صدى..

صحت ألسنتكم يا قروم..

ﻻهنتوا ابد..