هزتني أوجآعك وطآحت دمعتين ,,

10-09-2013, 10:36 PM

هزّتني اوجاعك ... وطاحت دمعتين ..!
...................... من غصني الذابل .. على تراب السكوت !
من خلف شبّاكك .. بدا همّك .. دفين ..
...................... كنّك تعاتب عالمك ... من دون صوت ..!!
شارد .. وحزنك ترسمه [ قلب ويدين ]..
...................... في لوحـة الماضي .. جروحٍ .. ما تموت ..
تتنفس من صدورنا ... تكبــر آنين ..!!
...................... لاجاعت اتجمّع .. رفات الحلم .. قوت ..!
احتاج لك .. والله ! بديت انزف حنين ..
...................... قلبٍ اضمـّه .. قبل ماعمري .... يفوت !
ينزعني من فمّ الضياع .. اللي سنين ..!!
...................... يغرس بي انيابه .. ويبغاني ... اموت ..!
ازرع .. بصدر ايامـه الجدبا ... يقين ..!
...................... إني سحابة .. لو تبلّـه صار .. توت !!
اصحى من شرودك وجب لي معك عين ..
...................... ماتعزف الدمعة .. إذا اشتاقتك .. نوت ..!!
احتاج لك !.. احتاج لك .. قلب ويدين .!!
...................... ابرسمك [ بسمة ] .. على تراب السكوت ..!