أنت تبكي !! ليه تبكي وش بلاك ؟

أنت تبكي !! ليه تبكي وش بلاك ؟
......................... مِشِّ دمعك جعلهـم مـا يرجعـون



أنـت حـي ولا دَمَـرْك إلَّا حيـاك
......................... واللي قفَّوا كلهـم مـا يستحـون



ياخذون ولا بهم من قـال : هـاك
......................... كيف تبكي وانت خابرهـم عفـون



منت هالك لـَ ابعدوا عنك .. الهلاك
......................... لـَ انتخيت العون ..وانت اوَّل تعون



ناظر الْـَ قـدام .. وانسفهـم وراك
......................... باكـر الأيـام تجبرهـم يـجـون




لا تبيِّـن ضقتـك .. إرق اِبْسمـاك
......................... والله إنَّـك غيـر تملاهـم طعـون



من يطيح الدمع من عينـك تـراك
......................... راح تقضـي باقـي العمر امْغبـون



أنت ذيب ... وهَـ الأمكان من خُطاك
......................... تِرْتجـِـف .. واللي عليها يرجفون



المدى لك عيد ميـلاد ... وعُـواك
......................... لك شمـوع .. اللـه ياقـاك العيون



يا كثر ما تزرع ابْـغيرك دفــاك
......................... ويا كثر مـ َ الغير منَّـك..يحصدون



وش تبـي بالطيب..؟ الله اِيـهداك
......................... طيبتك مع بعض خلـق الله جنـون



اللي تعطيهـم ولـَ ايبيِّـن عطـاك
......................... جعلهم لا روَّحـوا مـا يرجعـون

الله الله
لعووووووبةة
ابدعتي ي الغلا
لاتحرمينا جديدگ الشيق
كنت هنا^^

راآاآائعه ..

صح لسان شاعرها وسلمت أناملكـ ع النقل ..

تقديري لكـ ..

وش تبـي بالطيب..؟ الله اِيـهداك
......................... طيبتك مع بعض خلـق الله جنـون



اللي تعطيهـم ولـَ ايبيِّـن عطـاك
......................... جعلهم لا روَّحـوا مـا يرجعـون


صح قلبك وكلك وصح لسان شاعرها

لعوبه

يعطيك العافيه يالغلا

قصيده بقمة الروعه

صح الله لسان شاعرها وتسلم يمينك ع نقلها لنا

تحياتي لك

النجلاء

لعبة الاقدار

ذوق جميل وانتقاء اجمل

مروري وتقديري

دمتي بخير

مرركم شذى الورد

لردكم عبق الزهور

شكرا لكم لاحرمناا من اطلالتكم الجميلةة

لاعدمناا كم

تحيااتي لكم