مجاراة محمد بن سرحان المعيلم للشاعر متعب التركي

مجاراة محمد بن سرحان المعيلم لأبيات الشاعر متعب التركي ،

	يقول الشاعر متعب التركي : أصعب فراق فراق عكف الأشانيب /ما هو مفارق لابسات الغدافي. و الذيب لا منه عوى جاوبه ذيب /و العلم حامض بس وين الأشافي. يا سعود لا تنشد ترى ماني مجيب /خل الذي خافي. له شهور خافي إن شفتني مغتاظ لي حق و مصيب/ يا سعود مزعلني جديد إكتشافي

وقد جاراه الشاعر محمد المعيلم بهذه القصيدة :

	يقول الشاعر محمد المعيلم : 1-القاف يا متعب سمعته وأباجيب / حيث إن قصيدك وافي(ن) وأنت وافي. 2-ودامك تقول الذيب يجاوبه ذيب / اسمع جوابي وأفهمه يالسنافي. 3-الوقت لا بده يجي به حثاريب / ما هوب دايم يا فتى الجود صافي 4-و العمر يمضي والليالي تجاريب / والوقت تالي صار فيه إختلافي 5-من خالط الرديان ما يأمن العيب / كنه يتمشى وسط الأشواك حافي. 6-والنعم مثل الضلع طلوعه صعيب / محرم(ن)راسه على كل هافي. 7-وإن كان ماتصبر بحر اللواهيب / أصبر على مر السنين العجافي. 8-بعض العرب يسرد كلامه بترتيب / وفعله لقوله في الحقيقة منافي. 9-وبعض الكلام اللي يجي دون تحسيب / يجرح كما حد السيوف الرهافي. 10-واحشم قصيدك عن هروج الأكاذيب / حذراك تمدح كود شي يشافي. 11-علم(ن) ودين(ن) زود فعل المواجيب / ثلاثة(ن) للرجل مثل الأثافي. 12-ودام المراجل تحضر أوقات وتغيب / دور على ثوب من الستر ضافي. 13-الكفو ما يلحقه في نفسه الريب / والله علم فيما تكن الخوافي 14-ترى ردى اللي ما يهاب العذاريب / وسم(ن) على خده سواة الرعافي. 15-احدن تجي رفقته طيب على طيب / و أحدن تجي رفقته سم زعافي. 16-ترى التسامح يبغي شوي تدريب / والحقد سلم(ن) للنفوس الضعافي. 17-ولا تجادل الجاهل ولو كانك مصيب / لا بد من جنسه بيكفيك كافي. 18-بعض الرجال بروسهم عربد الشيب / وعقولهم مع كل هذا خفافي. 19-من عاش بالدنيا تجيه المكاتيب / ويشوف مقسومه وما كان خافي. 20-فأطلب عفو من يعلم السر والغيب /من قبل لا تذري عليك السوافي. 21-وصلوا على محمد وباقي الأصاحيب / ماطاف مسلم وسط صحن الطوافي.

وسلآمة الشعار وسلآمة من قراء المووضوع

م / ن

صوت وصدى والصدى اطيب وجزل

وصح قلبك ولسان من قالوهاااا
تقيري اخي لوجودك ومجهودك

اللهم صلي وسلم على نبينا محمد

خرابيش

يعطيك العافيه ع الانتقاء الاكثرمن رائع

مجارة رائعه

وصح الله لسان الشعراء وبيض الله وجيهم

ولاهنت ع الجلب الراقي

تحياتي لك

النجلاء

عليـه الصلاة والسلام

محمد الروقي ، النجلاء

لاهنتم ع التواجد العطر والمميز

شاكر مروركم

خرابيش قلــــــم
تسٍــآــٌم آلأيًآْديَ ع آلطَرَحْ..
طَرْحْ فِي غَآيَة آلجَمآلْ
دَآمَ عَطآئكــ ..
آرَقْ آلتَحآيآ .. }

:::::::::::: ( ) ::::

شاكر مروركم

جميعا

اللهم صلي وسلم على رسول الله