شقول لأمي لو رجعت من السفر وجهي حزين ومنكسر؟!!

اتصدقي ؟!!
مرت سنه ...وما درينا ؟!!
والحلم ..شوفيه شكبر؟!!
صار رجال ؟!!
اتصدقي ؟! مرة سنه ..وما درينا ؟!!
والحلم شوفيه اشكبر؟! صار رجال !!!

تتذكري يومه يداعب يدينا ؟!
وكنا نغني له من الشوق موال؟!

صغير لكنه حلف يحتوينا
يا كثر ما كنا على الوقت نحتال

ابسألك:
ما تذكري ضحكاتنا؟!
واحلامنا؟!
غلطاتنا؟!
زعلاتنا؟!
مثل الاطفال ؟!!
مرت سنه من شفتك وضيعتني*
خبيتني في عينك ...
خليتني عندك ..ورحت
مرت سنه ...والكل يسألني علي ؟!
واصفق يدي ..
واقول مـ اعرف وين انا ؟!
ماني هنا ...

اتصدقي مرت سنه وما درينا..
توي ذكرت اللحين !!
كان اللقا في يوم عيد ..
صدفه ..بلا موعد ..
جيتي لشاعر فلسف الدنيا ..
وصرتي كل سواليفه والقصيد ..
وبلهجتك : ما شي جديد ؟!!

اتصدقي ما به جديد ؟!!
شوفي شـ بقى حولي :
باقي صدى ذيك السوالف في زوايا غرفتي
وهديتك..
ووردها ..اللي اذبلت
مثل اللسنين اللي بقت
من عمر بعيشه بدونك
ودمعتي..
وضحكتك.
غلطاتك بحقي..
وتنهيدتي..
واحلامنا فوق الرفوف البالية
وانتي ...ولا انتي مباليه
وهذي بقايا من قصاصة ورق
كتبت فيها من الارق:
"تاريخ حبي ...وغربتي"

وهذي السنين اللي حلمنا انعيشها
لميتها وحطيتها في رف مثقل بالسنين وبالجراح
وكل من خلاني وراح
وعلى جدار الغرفه اللي يشبه ملامح وجهي المنهك بكا
صوره قديمه لشاعرك ..
يوم اخذله اخر صديق احتاج له
وعلى الجدار اللي سبق علقت حزني فـ صمته اللي ممتلي ضيم وكلام
كتبت أسما كثير
أسما كثير..
اكثر كثير من العمر اللي بعيش وعاشني
للي طعني وخانني
وللي جرحني*
للي خذلني وباعني
وللي تركني وما اسأل نفسه : ليه انا بالذات يحتاجني ؟!
اسما كثير
بس المهم : وين اكتب اسمك؟!
هم ما اوصلوا قدرك
ولا اجرحوا كثرك

و ...في زاويه من غربتي ..
خبيت عنك اعتراف بـ اني كذبت وقلت لك :
(اني قوي ..وما انكسر
واني جبل ما هزني بعدك )



ابسألك؟!!
شقول لأمي لو رجعت من السفر وجهي حزين ومنكسر؟!!
ولنفترض اني كذبت وصدقت؟!!
وقلت السفر متعب ...
وبزعم جبت اكبر عذر؟!!
الانتظار ...وصالات المطار ..
وبعدها ؟!!
وشلون اخبي دمعتي لين اسألتني ؟!!
وينها ؟!!
شخبارها ؟!!
مو قلت لي مره زعلت منك ؟!!
راضيتها ؟!!

ابذمتك..في وقتها وشلون رد ؟!!
ابختنق لو قالت اسمك
وبتخونني كل الحروف
شقول؟!!
يمه ظروف ؟!!*

اية ظروف؟!!!

بقول: يمه تذكري ...لما سألتي ..والدمع في عينك:
(وينك؟!..طولت في غيابك ..
على الاقل لو تتصل وطمن احبابك)

هي كانت احبابي وهي كانت اصحابي
سويتها لقلبي وطن
وعيونها لروحي سكن
وانفاسها ثيابي


كل شي عشته معك ..
الاماني ...
والاغاني
حلمنا
يا سلاااااااااااام
بيتنا المملى فرح
واللي انجرح.
معقول؟!!
كلها كانت كلام؟!!

اتصدقي مرت سنه وما درينا
والحلم.شوفيه شكبر؟!صار رجال!!*
مرت سنه..
او للامانه!!..
باقي شهر ونكمل سنه ..
بس للاسف
قبل السنه*
انتهينا

لعبة الاقدار
هل تعلمين انك ذوق
ماعلموك انك تعرفي تختاري ومميزه في الانتقاء


تقديري ياحلوة رواسي

راآائعه ..

سلمتي ع الأنتقاء والنقل الرائع ..

ودي لروحكـ ..

اقتباس:

المشاركة الأصلية كتبت بواسطة الشمالي

لعبة الاقدار
هل تعلمين انك ذوق
ماعلموك انك تعرفي تختاري ومميزه في الانتقاء


تقديري ياحلوة رواسي

الشمااالــي ـ.’..
..
ازدآإأن منقولي ببهآءٍ إطلآلتك
وتعطَّر بعبق ردٍّكٍ السآإأحر..
من أعمآإأق قلبي أشكر لسموٍّك تشريفك لي بهذا التوآإأجدد

اقتباس:

المشاركة الأصلية كتبت بواسطة أوهــام

راآائعه ..

سلمتي ع الأنتقاء والنقل الرائع ..

ودي لروحكـ ..

اوهاااام

كل الورود لكِ
مزهوة بالعطور
تتفتح بين يديك
وتنثر سحرها المنشور
عندما تمرين هنا
تتساقط الروح فرحا ونشوة
لك مني كل الشكر والتحية

لعووووبه
انتقاء غاليه بالروعه
سلمتي وسلمت انا ملك

لعوبه

يعطيك العافيه ع الانتقاء الاكثر من رائع

وذائقه عذبه واحساس راقي

دمتي ودام رقي قلمك وابداعك

تحياتي لك

النجلاء

لعــــــوبـــــة

شئ حلو وفوق الخيال

ماشاء الله عليكِ ي لعـــوبــــة

ذائقة قمـــة في الروعة

ربي يسعدك حبيبتي

بانتظار جديدك دوما

تقبلي مروري

الغالي هنا