بنده وكارفور

السلام عليكم

ارجو ان تتقبلوا الصوت والصدى

الصوت بقلمي :

يا راكب اللي ما دخل فالصيانه = ولا ساقه الهندي لبنده و كرفور
وما شغلّه ورعن براسه شطانه = ورعٍ على التفحيط ميّت ومقهور
عليه قرمٍ من صتايم زمانه = طليق وجه وللمواجيب مذخور
من لابة الروقه وسيعٍ بطانه = مع سرعته يسمع حبيب ومستور
روقي ومن طلحه وراعي مكانَه = ومنصاه للروقه قبل طلعة النور
ينصى الهواوي والتحيات امانه = ويحبّ راس اللي على الطيب مخبور
ناصر جزيل الهرج ينقى إسمانه = ما قطّ ورّدها على العِمِي والعُور
قل له ترى قلبي مخلّص ضمانه = واخاف لاتفتِِق تيازيره الحُور
قناتنا تعرض لميس وجمانه = وانا على التلفاز مغرم ومجبور
وابليس يعزف فالمحاني كمانه = وماعاد ينفعني محامي ودكتور
و اسمح لنا ياشيخ بعض الميانه = ما خاب من يطلب من الشايب الشور

الصدى من الشاعر القدير ناصر الهواوي العتيبي :

ياراكب اللي تو وقِع ضمانه=في ربع مليون ودفعها على الفور
فاكس ار صدره ما خثع بالطمانه=وعليه من مزحم شلاقي وممرور
عزيز نفس ولا يحب الاهانه=فكره ذكي والراس صاحي ومسطور
منصاه ابو مشعل امبين مكانه=بيته امشيد للنشاما ومخبور
ان قلت وينه كل احد قال عانه=ماهو عن اللافي مخبى ومستور
ان وافق لسانه لما في جنَانه= عليِّ امانه لا اسحبه عند دكتور
واقول بالله صنِّفه باي خانه=يفرح شعور بقوله ويجرح شعور
حتيش لو لاميس والبرتكانه=شعت بنور وجيههن لا انطفى النور
زينات مظهر والبلى( بالبطانه)=مار استمع لي كان لي تقبل الشور
ولا ودي اسمع منك ياليلدانه=ما دامني مغضي وراضي ومسرور
من الكبر صاير بقلبك ليانه=وخابرك من عامين والقلب معصور
وعلى ابليس من الله الاستعانه=اللي خلق ذاك الملك نافخ الصور

وسلامتكم

عبد الله طلال

ياهلا ومرحبا

صوت وصدى عالي مستواهم

جزلين

صح لسانك ولسانه

مروري وتقديري

صح لسااانك وعتلا شانك
جزله وصوت وصدى ولا اروع ولاهي غريبه

اشهد انكم وفيتو وكفيتو

صح السانك شاعرنا
ما فيك حيلة انت والهواوي جزلين ومبدعين صد ورد ولا اروع
سعدت من خلال مرور من هنا كل الاعجاب والمتابعة اجمل وارق تحية

عبد الله
صح لسانك
تقبل كل الاعجاب والاحتراااااام

عبدالله بن طــلال
قصيــدة تنساب من بين حروفك كالماااء العذب ..
مهما شربنا منه ..
ما نرتوي يالغلا ..
واصل ابداعك واكمال مجلتك الرائعة ..
ودمت كما انت عنوان التميز ..
احترامي ..

عبدآلله بن طلال

صح لسانك مددبلا عدد انت والهواوي

صوت وصدى ولا اروع

دمت بهذا الابداع والتميز ودام رقي قلمك الشامخ

تحياتي لك

النجلاء