خسيتي لعنبو جدك خسيتي والغلط ينعاب

[ خسيتي لعنبوجدك خسيتي والغلط ينعاب

خسيتي (واقلبي وجهك) ولاكلمة ولا اجابة ..
..
[خسيتي (والزمي حدك) تراها ضاعت الآداب

انا لاطاشت جنوني يعرف الجاهل آدابه ..

..

[وش المغزا من الكلمة بلا داعي بلااسباب

وهرج (الكذب والتجريح) قوليلي وش اسبابه ..

..

[انا الشرهة على اني فتحت لخافقي كم باب

ولكن مثل ماجيتي ترى (كبر الجمل بابه) ..

..

[خذي نفسك معك برا ثم انقلعي بدون اياب

فمان الله ولا اقول فمان (ابليس واصحابه) ..

..

[تحسبيني على الفرقا ابندم واغرق الاهداب؟

انا مبسوط يوم اني (طردت الشوم) وغرابه ..

..

[انا ما اعاشر (الخاين) ولا اسمع هرجة الكذاب

ومثلك قمته عندي ( تحت الزيرو ) حسابه ..

..

[هذاك اللي تحبينه (حقير وخكري ولعآب )

عاجبك ان قذلته شقراويميل بالشعر كابه ..

..

[صحيح انه حقير وزين وشكله (للنسا جذاب)

تشبه باخته فلانة ومنها الدم متشابه ..

..

[وانا مانيب حرف الجر تجرينه على الاعراب

انا حرف(ن) جزم نفسه (ومثلي يصعب اعرابه) ..

..

[تشوم النفس من زينك عقب ماطاح فيه ذباب

وانا حر(ن) ولد احرار تركت الزين وذبابه ..

..

[انا شيخ ولد شيح بذكره تنعم الانساب

اليا قام العرب كلاًيراجع دفتر انسابه ..

..

[ولد شيخــ(ن) وسط ربعه له بين الرجال حساب

الى ضاقت به الارياء (يهز الارض مشعابه) ..

..

[محنكني على الطيبة من يومي صغير وشاب

اجل وش رايك بطفلــ(ن) (دلال القهوة العابه) ..

..

[ترى بدري على مثلك تعيب وساسها معياب

ياليت اللي يعيبني يحاول (يستر ثيابه) ..

..

[انا لا جتني الزلة من الجاهل وهو كذاب

تركت القافلة تمشي (وراها تنبح كلابه) ..

..

[وانا اليا من كشفت ان الخوي اصبح لسانه داب

نزعت السم من عرقه وكسرت بمخلبي نابه ..

..

[خلاص اليوم يافلانة (كرهتك) والقلوب اغراب

وترى كل طير(ن) بكبد السما يشبع بمخلابه ..

..

[خسارة مثلك بقلبي تضمه غرفة الاحباب

وخسارة غلطة العاشق يحطك اول احبابه ..

..

[بعد هذا تبين ارجع لجل عينك نصير اصحاب

خسيتي (واقلبي وجهك) ولا كلمة ولا اجابة ..

(تكرمون عن كل كلمة قوية جت بالقصيدة *_*)

الله عليك ~ بنوته ~
ابيات قويه ومميزه
صح لسان شاعرها ولاهنتي يالغلا
ع الذائقه الشعريه المميزه
دمتي كما تحبين

بنوووووتهـ ..
اوووووف وربي قووويهـ
ولاكن ابدعتي فـ الاختيار ي عسسسل
لا ترمينا جديدكـ المتميز
لكـ ودي

بنوتتنــآ
كلمــــــــآت قوية وهجومية, ولكن يستاهلها كل خوان
يعطيك ٍ الف عافية ويسلم يمينكٍ حبيبتي

كل الاعجاب وكل التقدير

وسلم قلبك وكلك على النقل المميز

يتوته
انتي رائعه
موضوعك
ونثرك مميز بالحيل
لا تحرمينا حديدك

لا

" بنوته "
سلمتي ولاهنــتي ع النقل يالغلا ..

دلع آلشمآل
ربي يحميك ويحرسك يآلغلآ
شآكره لك هذآ آلمرور آلمميز
منوره يآلغلآ