يا زينك.. لا زعلت وقلت :وينك..

يا زينك.. لا زعلت وقلت :وينك.. من أيام وليالي فاقدينك ..؟ تناديني بصوت الشوق .. حتّى .. أجيك بشوق وأردد : يا زينك ..! حبيبي لا تناديني تراني .. أحس بحاجتك لا شفت عينك ..! حبيبي لا تناديني تراني .. أحسّك نبض .. قبل تقول.. وينك..؟ حبيبي والمشاعر لك سبايا .. تحكّم .. من يسارك لا يمينك ..! يا كثر الناس .. في مجمل حياتي .. ويا قلّ الناس .. من بيني وبينك ..! يا كم مدوا لي الأيدي .. يبوني .. ولا أغراني سوى مدّت يدينك ..! أحبك .. وأبتعد .. وأرجع وأحبّك .. أبي لي حلّ يرحم والدينك ..؟ دخلتك روضة إحساس وأماني .. أحبّ الورد .. وأعشق ياسمينك ..! غرورك .. مع ثقة نفسك .. بنفسك .. هدوءك .. راحتك .. ذوقك .. حنينك .. تبسّامك .. وتكشيرك .. ملامك .. كلامك .. ضحكتك .. صمتك .. أنينك ..! جمالك .. ريحة أنفاسك .. وعطرك .. عيونك .. عنقك .. وغمازتينك ..! تشوّقني .. وأنا طور إنتظاري .. يحين الوقت .. أو وقتي يحينك ..؟ أخذني دين .. ف.. رقبتك وغامر .. ولا يطري عليك .. تسدّ دينك ..! وإخذني عاشقٍ لا صحت : وينه ..؟ تراه أقرب من رموشك .. ل عينك ..!

نبض الوفاء
مروري يسبقه اعجابي وتقديري يختلط مع شكري لك

نبض الوفاء

جميل جدا ما وجدته هنا

سلمتي ولاهنتي

مروري وتقديري

صح لسان شاعرها ..ويسلم لنا قلبك يالغلا ع النقل الرائع ..

محمد الرووقي
ربي يسلم رووحك يالغلا .. اسعدني مرورك لا عدمتك
الف شكر لطلالتك الحلووة ربي لايحرمني منها

محمد الغنااامي
يسلم عمرك يالغلا,, كم اسعدني تواجدك
لا عدمتك يالغالي ,, الف شكر طال عمرك

اوهــــــآم
يسلم قلبكِ ياغلاتي منورهـ حبيبتي
الف شكر لتواجدكِ الحلووو