ياليتني كنت الكفن يوم تمشون

ياللي دفنتـوا جثتـه .. ليـه تبكـون ..؟
لولا الحياء .. لأقـول : معكـم خذونـي ..


منه انحرمت وكنت انا عنه مسجـون ..
ما أذكر لمحته .. غير مـره بعيونـي ..


شفته .. وكانت فرحتـي مالهـا لـون ..
عجزت لأوصف .. من لمحته شجوني ..


ياليتني .. كنت الكفـن يـوم تمشـون ..
أبقـى معـه بالقبـر ,, ثـم تدفنـونـي ..


أو ليتني .. من خلفكم كنت (مجنـون)
أتبع خطاكـم والعــذر هـو : جنونـي ..


أبكي وراكم .. وأدعي ان كان تدعون ..
مايكفي انه عـاش عمـره بدونـي ..؟؟


تكفون < هاكم عمري اليـوم تكفـون ..
برخـص حياتـي دام خابـت ظنونـي ..


مافادني صبري !! ولا فادنـي عـون ..
ولا فادني دمع(ن) .. حرق لي جفوني ..


ياما بكيتـه والبكـي يحـرق عيـون ..
ميت أو انه حي .. دمعـي بعيونـي ..!!


العام كان بفرحتـه .. يعـزف لحـون ..
واليوم ؛ تحت الأرض .. ماهو بكوني ..


لكن أنا في فرحتـه .. كنـت مدفـون ..
فوق الثرى .. واليوم موته سجونـي ..


( سميت قلبي عقـب فرقـاه ملعـون )
هو و الليالي .. عن هنـاه امنعونـي ..


ياليتني .. ماعشـت لحظـه بهالكـون ..
وياليت ربعي .. في سكات اذبحونـي ..


وياليتكم .. عن همّي اليـوم تـدرون ..
منه انحرمت > ومن عزاه .. احرموني ..


حتى بوفاته !! يوم أنا طحت مطعـون ..
أخفيت طعناتي .. قبـل لا يفضحونـي ..


بكيت !! لكـن .. ماتظاهـرت بالهـون ..
أبكي وأقول : الموت هو سبة طعونـي ..


وإن كان في حبّـي أنـا .. ماتحسّـون ..
دلوني لقبـره .. وهنـاك .. اتركونـي ..

احساس رايق

الله وش هالقصيده الحزينه

سلمت طال عمرك

سجل مروري ولك اجمل تحيه

احساس رايق
يعطيك العافية ويسلم الانامل يارب
قصيدة حزينة ورائعة في نفس الوقت يسلم ذووقك يالغلا
الف شكر لمجهودك المميز والراقي
لرووحك قبائل الورد التبوكي

محمد الغنامي-نبض الوفاء يعطيكم ألف عاااافيه ع المرور تشرفت بمروركم ووووووووودي.............

تسلم اناملك على كتابة كل حرف من حروفك

يعطيك مليون عافيه