آخر 10 مشاركات
|
|
|||||||
| رواســي الـقصص والـروايات .. ₪ مرســى الـقصص والـروايات ₪ .. |
 |
| انشر الموضوع |
|
|
أدوات الموضوع | انواع عرض الموضوع |
07-10-2011, 02:32 PM
|
#1 | |
|
(*الماسة رواسي *)
|
سندريلا في حايل
حبيت اغير من جوو القصص والروايات فنقلت لكم هالقصة كنوع من التغير لا أكثر قصة سيندريلا باللهجة الحايلية أبي أقص عليكم سالفة السندريلا ألي منذو مبطي نسمع به بس هالمره بلهجتنا<<باللهجه الحايليه وانا متأكده اللي مومن حايل راح يستغرب خخخ بس احسن علشان مايعرفوون فضايحنا خخ هذا يقولون كفانا شر مايقولون بوه لوه رجلن اعرس مرتين حملن حريموه مع بعض واظنن جميع وجابن بنات حديهن وهي اتظنى ماهولكم الشر ماتت ياويسي وهي تضنا والأخرى حيت كش وجه المهم الثانيه تولت البنيه وياولية الشر هكا الوليه اكبرن البنات واليتيمه احشرته مرت ابوه ودلت اتقعده بالمشب عند الرماد بله ربعتن بالكسافه وسمته(( رميدا )) بس تهل من هالرماد والبنت مزاويييييييييييينه والأخرى اسمة (( مهباشه )) خبله قشرا والذبان والردون يتدودلن ومروحه عليه ريحن تاسن الأمة وياحتست طابت علومه السعابيل وة بس وأمه طايرتن به اترززه اتسبحه واتطيبه وتنكس لرداه ورميدا المقيريده لا تهش ولا تنش مسبطتن المهم هكاليوم جوهم العزامين يعزمونهم بعرس عند بيت الأمير مدري بنته مدري حدى عياله الوكاد انوه عندهم عرس وهي اتتطير ام مهباشه تجدل من الماء وتروشه وتلبسه هكالمقصب اللي ياالله يتناقلونوه من ثقله وتغدي مهباشة بوه تقل بقره من كبره والزول يجيب الهم وبس له نشيق والشوشة طافحت يا خيوني يم السما الوكاد انه يحول غدت اشوى من أول ويبن ينهجن يم العرس ورميدا مدزعيه اتحوم اتحوم تبي احد يطريه يمار محد دري به ولا حلمو به يوم فطنت يمار مرت ابوه تركض يمه وامسكيه ودقيه ودقيه ودقيه اليما غدت ودينه وهي تبتسي وتبتسي قالت وش انا عامله قالت له قطعتن وخسوه والله ان نكسنا والبيت على لونه اني لا اذكيتس نظفي والعفي الغنم وهي اتفرفح من القهر وقالت انا اوريتس الشغل هالحين وهي تجزم وهي تنهج اتسبح و تمشط شعره يمار هكالأشقر اللي يجر من طوله وتلبس ثوبن وهي تلحقهن يم العرس وصمي بحدى يدينة امحلب وبالأخرى اصرار حمر وهي تنهج يم العرس دخلت رميدا يم العرس الا هالحرما ميل الحوش يمار الرجال يويدزون من فوق الجدران وهي تدخل وهم يتشاهقون الناس منهي هذي؟ وشو هالزين وهي تقظ اشعره وهي اتدلي تلفح بوسط الحوش والفحي والفحي اليما طاح اللي براسه يوم عاد طاب خاطرة وهي اتلفت على الحريم وهي تبذ عليهن الصرار الحمر وهن يدل يصيحن استعرن عيونهن وهي تلفت يم شنق الرجال وهي تبذ المحلب وهم يتسفهون والله ويقمز حدى عيال الشيخ يبيه وهي تهج ويلحقه وهها وهها والله وهي تنقز الثلمة وانشقلي وتفصخ انعوله وتهج هو الشيخ لقط انعوله و دلى يتسحته يمار ماش ماهو حوله ضيعه وهو يلعن ويشتم الا هالنعول اللي يجبن الهم امقطعاتن وملعونن جدفهن المهم نهج يم بيتهم وقال لأهله انا ابيه هالبنت ماعلي منكم نشدو ونشدو هالبنت منهي ؟ ومنين جت ؟ محد يدري ابد تسن الارض انشقت واجرعته هذي رميدة اول مانكست يم البيت اجدعت ثوبه ودلت تاخذ من الرماد وتلطخ روحه الوكاد انه انكست مثل اول وتنيومت جن مهباشه وامه وينحن وينحن عويناتهن حمر يوم مرت الام من رميده وهي تلفعه بهكالتفله اللي انشبت بوسط الرماد وتدلقمت وقالت ياعلتس مانتي مثل طلعت هاللي مشوين وووووووووة عزيلتس ياخبلة الشر وانكسي يم مهباشه يمار مهباشه مدزعية تبلع والحال تشيب قالت الام ياااااااااااعزيلي بس انا وين ادوي بس ايييييييييييييييييييييي الشيخ عنط بحدى العجز اللي بالديره قال لتس اللي تبين اذا لقيتي البنت المزيونه هذيك قالت منين انخشه لك؟ قال دونتس هالنعول واللي يدخلن به جيبيه لي قالت واتسبدي وشن هذولي؟ ياوليدي هالحين ينقطعن قال ماعليتس انتي بس بلهون عليهن يالله قالت زين والله وهي اتدلي تسدير على البيوت يمار كل من شافت النعول نشت عنهن وعيت تلبسهن واستديري واستديري وماش عاد يوم جت لبيت مهباشه ورميده واركضي يا مهباشه وخوذي النعول واجحريهن واجحريهن الا بغن ينشقن مايدخلن وتجي امه اتعاونه وهه وهه وهه قالت العجوز انطنن ياه ياملا الغاظر هي غصب تدخل؟ ماهن له رميده تراعي وساكته قالت العجوز هذي هي تعرق بهكالزين والله ماظنتي قالت رميده عاد مهباشه تعرق بوة؟ وهي تدزند مهباشة الخبله من الضحك هههههههههههههههههههههههههههه وتجي ام مهباشة وتكتل رميده وهجت العجوز وهي اتروح يم الشيخ قالت لوه مالقيت كلن اللي نفت عنه واللي ماجا مقاسه الا خبلة ام مهباشة رميدا مالبسته قال انكسي له نكس قالت تذبحنا ام مهباشه قال خوذي معتس احد وفنه اتعيي قالت ابشر وانهجي يمهم وصوتي لرميدا جت رميدا وهي تقعد واول مااجحرت النعول وهن يدخلن واشهقي يا ام مهباشه قالت اتعقب واتخسى مهن له ووييييييييييييييلي العجوز ماردت على احد وخذت رميده قال الشيخ خلاص باتسر وانا زافه وهم يعزمون الناس ويسون عرس ماحصل بالديار ويجن هالحريم ويسبحن ارميدا ويمشطنه ويطيبنه وغدت هكالبناوة اللي تلالي يوم دخل الشيخ الا وشو هذي؟؟ من باتسر عمله زفه براس الخيل ودلت تمشي بوسط الديره يوم شافنه مهباشة وامه وهن يرحلن من الديره ذلن على ارواحهن من رميدا لا تذبحهن من العمل اللي عملنه به وصوتي لهن يا رميدا وحبيهن وسكنيهن عنده وانعمن وزوجي مهباشه حدى هاللي يشتغلون عند الشيخ وعاشت رميدا مع ولد الشيخ امعززة ومارجن عقله من زينه سندريلا ههههههههههههههههههه )) هذي قصة رميدا ومهباشة ((ههههههههههههههههههههه)) وش رايكم حترامي لـ حايل واهلها |
|
|
|
07-10-2011, 03:50 PM
|
#2 | |
|
الوفاء طبعي
يسلم الايادي حبيبتي ع القصة الحلوووة مثلك شوي اعرف كلمات حايلية بس هذي القصة رائعة خذيت منها كورس كامل ربي يسعدك عاد انا من محبي الاطلاع ع لهجات قبايلنا من شمالها الى جنوبها تحية لك ياغلاي والف مليوون تحية لحايل واهلها |
|
|
|
|
07-10-2011, 10:38 PM
|
#4 | |
|
يامهباشه
والله القصه حلوه مره وراقت لي سلمتي سلمتي عرفت اقراء القصه غير بعض المفردات عجزت فيها مروري وتحياتي لك |
|
|
|
«
الموضوع السابق
|
الموضوع التالي
»
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| خادم الحرمين يضع الحجر الأساس | خالد الروقي | الصحافه والاعلام | 2 | 17-08-2011 12:04 PM |
| خادم الحرمين يناشد الشعب إعفاءه من | خالد الروقي | الصحافه والاعلام | 4 | 23-03-2011 03:06 PM |
| اخبار يوم الأثنين 4مايو/2009 | عناوين الشموخ | الصحافه والاعلام | 34 | 07-05-2009 06:18 PM |
| أخبار يوم الجمعه الموافق 6/5/1430هـ | السيــ عمهوج ـف | الصحافه والاعلام | 8 | 01-05-2009 04:29 PM |
| خادم الحرمين الشريفين: اهتمامنا بالحوار ينطلق من ديننا وخوفنا على العالم ونمد أيدينا | عيد الرحيمي | الصحافه والاعلام | 2 | 13-11-2008 03:27 PM |