اهداء لكل من خانت حبيبها

اهداء لكل من خانت حبيبها


’
اهــداء الـى كـل شخـص خانـهـ حـبيـبهـ !!
لا ردك الله لا ولا اطلب تردين ......ادعي عليك بعثرة في صلاتي
عثره تشلك ما بعدها تقومين ......يا قاتلتني يوم صرتي حياتي

خدان لك بالقلب كانت بساتين ......وريضان وغصونا بها يانعاتي

كنتي مناة القلب والروح والعين ....واليوم عينك يعلها ما تباتي

كنت أحسبك للعهد والحب توفين ..قلتي الغدر بالحب ماهي بسواتي

وحلفتي يمين الله ما منك اثنتين.......وانك ملاك دون كل البناتي

وانك على عهد المودة تسيرين ....ولا تسمعين أهل الحسد والوشاتي

وصار اليمين ستار خلفه توارين .......ورماح غدرك بالخفا مشرعاتي

وبان الغدر سم جرى بالشرايين ......الله عسى يسقيك سم الفعاتي

كلي سقيتك حب واليوم تنسين........تقولين حلم ايام واليوم فاتي

خذتي الهوى لعبه على ما تحبين ......لين عصفت بالهوى عاصفاتي

من زينك يا بنت بالشعر تزيين ............ من صورك بابياته الطايلااتي

انا من غرامي قلت كانك تذكرين ...... قلت الخجل صاب البدر من مناتي

وصرتي بشعري في العذاري تباهين.تقولين انا شمس العصر في حلاتي

زينتك بشعري ولا غربك الزين ..........ما زانتك صبغات حمر الشفاتي

صورتك بالشعر حزام ورياحين .......واثرك هضاب وشوك ما به هداتي

رسمتك سحابه خير قطر تنفين .........فزت لك الصحراء زهور ونباتي

رسمتك مهاه للجميله تقودين .............واثرك قطيعه وضيعتها الرعاتي

واثرك غراب يوم سدل الجناحين ......كنت احسب اني شايف لي قطاتي

بالشعر غليتك على كل غاليين ...........واثرك دنيه وتعشقين الدناتي

وبالشعر عاتبتك عتاب المحبين .........انا من يسوم الروح لك يا غناتي

توسلت لك خايف على حب شهرين .......شهرين لكن في حسابي مئاتي

ناديت لكن لي ابد ما تسمعين ...........عمري وروحي فكري في ثباتي

حذراك للشينات عمري تماشين ............عديمات اصل اخلاقهن دانياتي

غاب الولي عنهن ولعبن بحبلين ................يا خس واليهن وخس الولاتي

ما همهن في الناس زين ولا شين ...........وقلوبهن من حقدهن مظلماتي

وقلتي وربك لو يكونا ملايين ..............ما غيرن بالطباعهن من سماتي

تحسبين انك بالمهافه ترقين .................كيف الصعود يكون للهاوياتي

وخنتي وبعتي كل عهد وايامين ............ما عاد يفرق بين ماضي واتي

وصرتي مثل غيرك برخص تبيعين .........يا مرخصتني ما بقى لك غلاتي

صبري نفذ واليوم ثارت براكين .............مظلوم انا وباكر تحل ادعواتي

سمعي عسى من بعدها ما تسمعين ...سمعي دعا من صار قلبه حصاتي

ادعي عسى من ناضرك ما تشوفين ......وتطحن بك الايام طحن الرحاتي

وعساك عوق منه ما عاد تبرين ..............عوق تشافق له قلوب العداتي

ويالله عسى يحتار فيك المداوين ...........تبين الممات ولا يجيك المماتي

ويالله عسى كف الندامه تعضين ..............تندمين يوم انه يفوت الفواتي

وتبكين دم يسيل من مقلة العين .............وتحتار امك عن عناك وتحاتي

عسى ما تلاقي من له القلب تهدين .....وان حصل ادعي عساك الشتاتي

يا بلوة اللي وسط بيته تعيشين ..........ساهي وحوله شب جمر الغضاتي

عسى بعمرك ساعه ما تهنين ..............وتمضي حياتك بين هم وشقاتي

يا بنت قلبي وين مثله تلاقين .................قلبا عطاك الحب ما قال هاتي

جيتك وروحي شلتها لك بكفين ............وفي التاليه رمح الخيانه جزاتي

يالله عساك النار يا أم وجهين ................كله انكشف لا ما تفيد العباتي

ويالله عسى تلبسك جن وشياطين .....وتكونين مدعاة الحكي والشماتي

يا حية رقطا تقود الثعابين .........باكر تحن ايامك المعتماتي

وباكر على فعلك بمثله تجازين ..............ظلم المشاعر ما تحكمه قضاتي

بيني وبينك تحكم ايام وسنين ............وانا شاهدي قلبا من الغدر ماتي

ويا دمعة التمساح لالا تذرفين .................العيون رغم ادموعها كاذباتي

لا ما عرفتي الحب لا ما تحسين .............وغدرك تعدى غدر ذيب الفلاتي

الذيب يعوي قبل يغدر بمسكين ........وانتي غدرتي خافقي في سباتي

لو كان غدرك في كفوف الموازين ......لكان رجح كل غدر البناتي

انتي السبب سقتي على القلب .......جرحين غدر الغرام وموجع الذكرياتي

وانتي السبب واليوم لالا تلومين ....... وان جاك باكر شوفي اشلون يأتي

والله لاكتب وافضحك في دواوين .........وارقص واغني يوم خبر الوفاتي

وارسم لاهل العشق قلبا وسهمين ............وقصة خيانه ما روتها الرواتي

ويمين لانشر فوق اسمك عناوين ........واشهرك من قاصي اليمن للفراتي

ومن غرب هالدنيا الى قاصي الصين .....ديوان غدر فيه كل اللغاتي

والبادي اظلم سنة العين بالعين .............والا فذي لا عادتي ولا صفاتي

ويا شبه انسانه برأس ورجلين .............اعوذ بالرحمن منك بصلاتي

.

/

.

حساس

لالالا كذا ما يصير

تدري انه أسهل شي اذا شفت حبيبتك خانتك ؟؟؟

هذي تدري انها باعتك وبرخص ثمن تقدر تنساها على طول

لانك ماتقبل انك تكون رخيص .

أصعب شي اذا كنت انت تبيها وهي تبيك بس فيه عايق يحول بينكم ؟؟

مثل عادات وتقاليد المجتمع السعودي وخصوص انه للحين البنت ما يوخذ برائها في الزواج

واللي يقرر هو الاب والام والاخوان وهي رائها غير متخذ به ....

وتفرقتو على حب صامد مافيه خيانه من احد .

هذا رائي الشخصي وكل انسان له رائ

لاهنت على هالقصيده الكايفه

نقل مميز لاهنت

حساس ودمعتي الماس
ربي يعطيك الف عافية ويسلم الانامل يارب
قصيدة حيييل متعبة بس يستاهلها كل خواان,,, كلمات في الصميم
والصمت اجمل
تحياتي لروووحك حساس

وسمحلي ع تعديل العنوان لنو فية رابط مخفي

لالالا

مادام كان في القلب صدقني سيكون له الشي الكثير حتى ولو خان
فكلمة كان حبيب كفاية

وصح قلبك وكلك عن كل شر
مروري وتسجيل اعجابي وتقديري

يعطيكم الف عافيه علي المرورر نورتو متصفحي

لا تعليق<<
صح لسانك
ودام نبضك
وتسلم يمناك

حسآس

للهــــــ دركــ ..... ~

شكراً