ياغااايب بالله وين المرآسيل..؟

طال الطريق وضآع باب الموآصيل..
وانكسرت الخطوه ومحدن لمحها..

وتكسرت وسط الدروب القناديل..
والبسمه الخجلى عذابي فضحها..

ياغااايب بالله وين المرآسيل..؟
اللي تفرح خافقي لافتحها..

الليل في بعدك أبد ماهو الليل..
سود الليالي محدن قد مدحها..

لاصرت جالس بين هم وغرابيل..
وطيوف حزنن يعتريني شبحها..

وشلون أبفرح وانت أبعد من سهيل..
على عيونن مات فيها فرحها..

ليالي الماضي تحث المقابيل..
وعظام شوقي كل حزنن لفحها..

تبكي عيوني والبكا يقتل الحيل..
وياليت عيني تسمع اللي نصحها..

ماكل دمعه تنمسح بالمناديل..
بعض الدموع تطيح محدن مسحها ..
&مما راق لجنوني واروى عطشي&

تبكي عيوني والبكا يقتل الحيل..
وياليت عيني تسمع اللي نصحها..



صح لسانك ولسان من قالها

محمد الرووقي
صح بدنك يالغلا اسعدني مرورك وقتباسك
الف شكر طال عمرك ,, ربي لايحرمنا منك يَ بــو الروووق

نبض الوفاء

صح لسانك وسلم قلبك من كل شر

كلمات جميله جدا وراقت لي

صح لسان من صاغها

الف لاهنتي

ولك تحياتي

محمد الغناامي
صح قلبك يالغلا ,, ربي يسعد لي هالمرور الحلوو
الله لا يحرمني جمال اطلالتك ياغالي ولا من روعة ردك