الوقت مايعرف حبيبي ولا جاه..~

الوقت مايعرف حبيبي ولاجاه
والناس ماتدري عن الصدر وش فيه
أكذب وأقول اني معزم وبنساه ..
وأكذب على نفسي إذا قلت: مابيه
والآه فيني خاوت الآه والآآه ..
لامن تعمّد عاذل القلب يطريه
وأتذكره وأتذكر يساري بيمناه ..
وأنا مغمض عين قلبي على يديه
قلت أتصل ..؟ لا لا ماتصل بترجاه ..
وأسرح الين أصحى بضحكة غناويه
من غير مااشعر كيف وشلون ابداه ..
ألووو ؟؟!!! ساكت كن ماني احاكيه
ألووو ؟ مابي غيرها وأتفداه ..
ورغم اني ماني مزعله قمت أراضيه
دوم أتسائل ليه يسكت وأنا معاه ..
واثره يبيني أنتبه لجل أناديه
عشان يسمع قلب تشهق خلاياه ..
لاقلت: (يافلان) وجاني الرد لبيه!!
وأتعمد أتبعثر اذا كنت وياه ..
وماهو مقصر جعلني فدوه لكفيه
أدري ويدري كم أحبه وأهواه ..
وأشتااااق له حتى وأنا بين ضلعيه
ويتعمد الحيرة أنادي ويرد (هاااه .. )
وإن عزم بيذبح يجي يقول لي: ليه...!!
ساعات انا اتسائل انا ليه ؟ انا يآآه ..
اقسم بربي ارتبك لاهمس هيه
لبيه كل مازمّ لي شفاه ..
لبيه ماهي مثل مانقول: لبيه
تشلع عروق القلب والله والله ..
إلين النفس ماعاد ياناس يمديه
وتضج في صدري من الشوووق ويلاه ..
وأصرخ انا والقلب بالصوت نغليه
يالبى كلي بضحكة ثناياه ..
يومه تلفت شاف ماني بحواليه
يعرف طريقه وسط صدري وممشاه ..
تدلع وتتبع عروقي خطاويه
الغيد بعيوني غدن جملة أشباه ..
والحسن والفتان أول أساميه
مو قلت: أنا أكذب لو قلت بنساه ..
واللي خلقني ماتركه أو أخليه

امير الورد

سلمت وصح لسانك ولسان من قالها

الف لاهنت على هالعصمى الرائعه

تحياتي لسموك الكريم





















اسمح لي بحذف الروابط

امير الورد
ربي يسعد قلبك قصيدة حييل روعة
كــ روعة حضورك صح لسانك وذوووقك , وصح قلب من قالها

لك ارقى التحايا واعذبها

امير الورد

كلمــــــــــات رائعــــــــه
تحياتي..

اميرووووهـ ^^
كلمات بقمهـ الرووووعهـ

لا عدمنا هـ الابداع ي ررررب

تحـــيـــاتــــــــي لـــكــ

الوقت مايعرف حبيبي ولاجاه
والناس ماتدري عن الصدر وش فيه



رائعه جدا" ,, دمت بتميز

امير الورد

صح من قالها

وصح قلب من نقلهاااااااا
تقديري

يعطيك العاااااااااااافيه