..... ( عزاااه يا غزه من الدم تبكين ) .....

السلام عليكم ورحمة الله وبركاته
لا يسعني ان اقول لكم : غير .. اللهم انصر الاسلام والمسلمين ,,,

يا هاجسي شيع ضحايا فلسطين = وانطق عن اروح الضحايا الشهاده
الي غدو بالامس في دير ياسين = حكم عليهم بن براك الاباده
يوم العرب عن مسجد القدس غافين = كلٍ مربع فوق ذيك الوساده
عزاه يا غزه من الدم تبكين = لكن وين انتي ووين السياده
دام العرب فرحة لجل حذف خفين = والله ما يلفيك منهم افاده
هذي نتيجة ضحككم يالمجانين = براك وفى دين بوش وزياده
ضحية الجزمه رقاب المساكين = ميتين مع خمسين تحت الرماده
ووضع العرب من دين يزداد في دين = من فيكم الي يوفي النا سداده
اشلائنا تدمى لها القلب والعين = صارة طعام الدود زاد الجراده
يا ملوكنا حنا طفشنا من السين = والصقر ماهو صقر لولا هداده
دوم العرب تذبح الوف وملايين = وقلوب كل العرب تنبض جماده
يا ملوكنا تكفون نبغى المظامين = نبغى القرار الي سريع اعتماده
نبغى نسل سيوفنا لنصرة الدين = ونسقيهم القهوه مريره وساده
ولا امانه احفروا قبري الحين = من قبل راسي لا يجي له حصاده
ربي عطانا سيوف تضرب بحدين = اما النصر ولا ننال الشهاده
وحنا انتمشى فالقفر والبساتين = ونقول حنا كاسبين الرياده
هذا جبن ولا سياسة سلاطين = ( ماني بفاهم يا عرب فالقياده )

اخوكم / سامي الرقيب

صح لساااااااااااااانك

هذا الحرف الكايف ياسامي

وعادة الجزاله مروري وتقديري والاعجاب لا عدمتك

سامي الرقيب
لانمتلك في مثل هذا الوقت سوى الدعاء بضهر الغيب
نسأل الله ان ينصرهم ويحق دمائهم
قصيده تأجج المشاعر
وتعبر بالجزالة لدرجة الفخامه
ليست بالغريبه على ميزان القاف
صح لسانك وكلك
ودام بوحك بكل خير ومعزه

مشكور يالغالي
تفاعل ليس بغريب على شرواك
يالله بالنصر العاجل

صح لسانك
واعتلا شانك
ولا هنت

صــــــــــــــــــح لساااااااااااااااااانك

على هذه الرائعه

الله يعطيك العافيه

تقبل تحياتي

صح لسانكـ

يعطيكـ ألف عافية

إقتباس:
أرسل أصلا بواسطة محمد الروقي
صح لساااااااااااااانك

هذا الحرف الكايف ياسامي

وعادة الجزاله مروري وتقديري والاعجاب لا عدمتك



اخوي محمد الروقي
صح بدنك ولا هنت
وشرفني مرورك يالذيب
لك التحيه
ودمت بود