عبدالله بن طلال وعبدالاله بن شلواح العتيبي

اقدم لكم محاورتي المباشره
مع اخي الشاعر/ عبدالاله بن شلواح العتيبي
ارجو ان تحوز على رضاكم
انا

سلام يا أهل المنتدى واللي يبا يلعب ، يقوم = بنت الهلالـي صفّقـت بيدينهـا لعيالهـا
هذا وانا حاظر وقسمي من كبيرات القسوم = لا جازت السلعه دفعت جنيههـا و ريالهـا

عبدالاله

يامرحبا بك والسماء سقف السحابه والنجوم = والارض مفروشه وخلق الله بحسب اعمالها
انا ادري انّك من يغلّق فالدعاوي واللـزوم = يدري عن الحيلـه ويكشفهـا ولا يحتالهـا

انا

دام البقا والطير لو شفناه من حولك يحوم = ماهو كفو ينزل وياخذ غترتك واعقالها
حنا نهدّ الحرّ الاشقر ما نهدّ افروخ بوم = البوم فرخ البوم كلٍ عارفن منزالها

عبدالاله

ياللي تدرجها على حسب المذاهب والسلوم = مال الحمول وميلة الايام غير إجمالها
تبا تشيب من العجايب يالعتيبي والهموم = ان جاتك ايام الليال البيض عكس إليالها

انا

السيل لامنه تحدّر من رفيعات الرجوم = مافيه قشعه في طريق السيل مايشتالها
اشوف لي برقن برق بين الحويّه والجموم = عساه يشتالك مع الوادي مابين جبالها

عبدالاله

ما عاد معك الا الدعاء والله غفار(ن) رحوم = والا جبال الارض فوق الارض هذا حالهـا
فقران مايشري ذهب لو تستره بيض الهدوم = الا بعد تنفق زكاة اهل الذهب مـن مالهـا

انا

لاوالله اللي قرّبت تاصل ليا روس الخشوم = ما دام راعية الذهب باعت طقم خلخالها
لقيتها تمشي مع العالم بصالات القدوم = حسبي على اللي ياطويل العمر فكّ إحبالها

عبدالاله

ان جات والا روحت مال الغفال الا الوسوم = يا ما نصحتك وانت مهملها ومعك اعقالها
زال السفر متعه وطايرته على ظهرالغيوم = ان وقعت فالارض (حلتهـا بعد ترحالهـا)

انا

الرحله اللي ماعليها غير مجموعة رخوم = نشوم عنها ، جعل فال الله ماهو فالها
وصلك علمي وانت بن شلواح تفهم بالعلوم = وبعض العلوم اكبار صعب اقفايها واقبالها

وسلامتكم

عبد الله

صح لسانك وصح لسان عبد الاله

كلكم جزيل ولافيكم حيله

ومرحبا بك ياعبد الله

والوعد اذا شربنا الماء ههههههه

لاهنت يالذيب

عبد الله بن طلال
صح لسانك ولسان خويك عبدالالة
جزلين يالنشامى
محاورة رائعة من روعة اصحابها هنياً لكــ يارواسي بــ عذبين الحرووف
لرووحكم قبائل الورد التبووكي

صح بدنك يامحمد

وفكني من شرك يالامير تراني توني ضيف :)

تحياتي لسموكـ

الوفاء

صح بدنك ولاهنتي على التواجد الراقي والاطراء الجميل

تحياتي لكـ

صح لسانك شاعرنا ولاهنت ومرحبا الف

عبد الله

صح لسانك ولاهنت انت وخويك

تقديري لك

صح صح صح لسااااااااانك يابن طلال ولاهان عبدالاله

مبددددع فى كل حالاتك

طواريقن جزلة ومن شاعر قرم