أكبر قهر لاجيت تعشق لك انسان

أكبر قهر لاجيت تعشق لك انسان


أكبر قهر لا جيت تعشق لـك انسـان
واللي تحبه ساهـي ٍ مـا درى بـك

وأكبر قهر تحلم وتحلم لـك ازمـان
ويطيح حلمـك ميـت ٍ عنـد بابـك

وأكبر قهر تبني من سنيـن بنيـان
وتشوف بنٌيـك مـا تعـدى ترابـك

وأكبر قهر تسقي من الورد بستـان
وتموت بين يديـك زهـرة شبابـك

وأكبر قهر تارد على البير ضميـان
وتشوف بعض الطين حايس شرابـك

وأكبر قهر لاحطـوا النـاس نيشـان
كل ٍ يزٌهـب وانـت ضايـع زهابـك

وأكبر قهر ترهن على حصان خسران
يوم السبق لا طحت كل ٍ حكـى بـك

وأكبر قهر لاصرت ضايع وعطشـان
ونفس الطريق اللي يوديـك جابـك

وأكبر قهر صاحبك لا جـاك خـوٌان
لابحت له بالسـر راح ووشـى بـك

وأكبر قهر تعطـي وتعطـي علشـان
تاخذ عقـب كـل العطايـا حسابـك

كل ما سبق ذكره على الشوف ماكان
حفنة حروف ٍ مـع بعضهـا تشابـك

ماهوب هرج ٍ يِعجَـنْ بفـم وللسـان
ولاهوب عود ٍ يكسـره حـد نابـك

إن كنت فيما قلـت تحتـاج برهـان
ناظر وتلقى فـي قصيـدي جوابـك !!

وإن كنت فيما قلت مخطي وغلطـان !!
أترك خطانا وأنـت عطنـا صوابـك

اميـــــــــــر
رائع يسلم الايادي يالغلا
حييييييل راقت لي يعطيك الف عافية
لروووحك عناقيد الورد التبوووكي