لافي الصيده & فهد بن مطلق الحلفي ..!!

:

:

قصيده مرسله إلى الشاعر / فهد بن مطلق الحلفي من الشاعر لافي الصيده






وال ياقلـبٍ تـولـع بمزيـونـه

.....................بنت قوماً تكرم الضيف والعانـي


حال حول وخيرها حال من دونه

.........................النصيـب وشرهـا مـا تعدانـي


المحبـه والهواجيـس ملعـونـه
........................تذبح الرجـال والجانـي الجانـي


يوم قلت ارفق على القلب وطعونه
......................كيف تذبح هيبتـي بيـن عدوانـي


قال خل الجرح ينزف على هونه
......................وابتسم واطـرق بسـودٍ تحدانـي


رحلة العشاق صلفـه ومجنونـه
.....................في طرفها يقنب الذيب سرحانـي


الجفـاء كـل المحبيـن يشكونـه
........................كل قلبٍ ينسـب الهجـر لثانـي


كم نفوس ٍ صبرها ضاق ماعونـه
.....................تشتكي من هجر الاحباب وتعاني


يافهد يوم الهواء طحت فشطونـه
......................كيف حالك جعل ماجاك ماجانـي


ليتنـي جنبـت شرعـه وقانونـه
.......................قبل يملكنـي يأمرنـي وينهانـي


من سلك هالدرب ثنتين مضمونـه
......................حاصله بالفعل لو كـان ماكانـي


ياهلـه لشهـار باكـر يـودونـه
.....................او خبر يالربع صلو على الفانـي


وادعو الله يرحمه مـات بغبونـه
....................والسبب حبه لمدعـوج الاعيانـي


خص لاصارت عفيفه ومصيونـه
.....................ويش رايـك يافـلاح الحميدانـي


اسمك اصبح مفتي الشعر وركونه
................جيز عشق الزين تكفاء على شاني


الهواء سنه مع النـاس مسنونـه
....................قبل ابوك وقبل ابويـه وجدانـي


دائمـاً علـة ضحايـاه مدفونـه
...................تستبيح القلـب شريـان شريانـي


الدجيماء اسباب موتـه تعرفونـه
.....................واعتقد ماهو بـالاول ولاالثانـي


الكـلام بذمـت اللـي يقولونـه
.....................الوضيحي تاه مابيـن الاركانـي





وهذا رد الشاعر / فهد ابن مطلق الحلفي



مرحبا بك والشعـر منـك ديدونـه
................................... يستفز الفكـر مـن قبـل يقرانـي
قافك ابلا شـك تطربنـي لحونـه
................................ بس اشوفه غامض ٍ بعض الاحياني
إن قريته قلـت الابيـات موزونـه
.................................. وان كتبته قلت ما هـوب عنوانـي
وقلبك الخفّاق فالحـب وشلونـه
.................................... ؟يوم غنـى لاح يـا ليـح ليحانـي
كان روحك من هوى البيض مفتونه
................................. لا تولّع .. وانت من عمر شيبانـي
من يهوم العشق يلـزم لـه ايقونـه
................................. لجل محد ٍ يكشف السر يـا فلانـي
العمى وش فايـدة سكبـة عيونـه
................................... ما يحس بطلعـة النـور لا بانـي
والمشاعر من على الرف مركونـه
.............................. قد خذيت من الاحاسيس ما اكفانـي
من يشوّه هيبة النفـس وش كونـه
\................................ كل شـي إلا الكرامـه فالانسانـي
ضحكة ٍ تجلب لي الذل .. ملعونـه
\.............................. ودمعة ٍ تعطيني العـز .. تسوانـي
ومن يشق القلب ما هو بمضنونـه
............................... ما ارتجي شوفه لو انه من اخواني
ومن يناديني على الصدق.. يا عونه
.............................. ومن يناجي بالخفا .. جعل يفدانـي
والبيوت الي مـن الجـن مسكونـه
............................... كيف تدخلهـا وهـي دون بيبانـي
يوم ابو فيصل شعم باقـي ظعونـه
.......................... واسند الدعوى على الشيخ الالبانـي
يا عسى بالراي .. والعلـم ياتونـه
........................... كود يكفيني ويرحـل .. وينسانـي
مير كانه يقبـل الشـور ويصونـه
............................لا يقرّب لي .. ويسرق من الحاني
يومه اصبح شيخ عصره ومأذونـه
........................ ... لا يطلّق غصب غاليـة الأثمانـي
العديمـه قلبهـا مـا يصيـدونـه
........................... الهواويه .. وهـي قبـل تهوانـي
يا عسى الرحلة سعيـدة وميمونـه
......................... وياعسى العوده قريبـه للاوطانـي


:


:


وسلامتكم

سلم قلبك
وصح لسانك ولسان الشعراء
نقل مميز,,, اخترتي يابنت الرجال

مروري وكل التقدير

أحلام رماديه

صح لسانك ولسان الشاعرين

قصيدتين في غاية الجمال

الحلفي مطيري اذا ماني غلطان ؟؟

تقبلي مرور

محمد الغنامي

ابداع من الشاعرين
وابداع من الناقل

صحة السنتهم


وتسلم يمينك احلام على النقل