عرش الملك

فــي غيبـتـك كـيـف أهتـنـي فــي زاد ولا فـــي شـــراب= يـبـسـت شرايـيـنـي وقـلـبـي مـــن ضـمــاء حـبــك هــلــك

غيبتك ساعه عن عيوني هي سبب كل العذاب =أشــتـــاق لـــــك حــتـــى الامـــاكـــن كــلــهــا تــشــتــاق لــــــك
تركتني فالمهمهيه والتهالك والصعاب=وأقفيت مامديت لي يمناك يوم احتجت لك
غيبتك وبليا سبب ماهي مثل كل الغياب=تعال قلي وش سببها قبل اجي لك وأسألك
مهما حدث ولا جراء مايزعلك مني عتاب=ولا تزعزع سلطتك وانته على عرش الملك
عندك ولي العهد والنايب وتخشى الانقلاب=مفروض مايرعبك لادورة رحاه ولا فلك
تعرف غلاك وحشمتك من دون شك ولا أرتياب=هذا كلامي وأسمعه علم (ن) يجيك وياصلك
أشفق عليك أكثر من الهمال من غر السحاب=وأشفق عليك أكثر من أقرابك ومن حتى هلك
قدام لاتبعد بعيد وقبل لاحث الركاب=وقدام لانسلك طريق(ن)تهلكه للي سلك
اقولها لك من هنا حتى ليا يوم الحساب=أموت قبل أصير علكه فوق ضرس اللي علك

ابيات روعه صح لسانك

محمد الغناامي

حلوة المبسم

صح بدنك

والروعه تواجدك

لك ودي

:

:

ماشاء الله عليك جزل ومخك نظيف

وعندك ثراء لغوي واضح

أهنيك وألف لاهنت

:‏)‏

اقتباس:

المشاركة الأصلية كتبت بواسطة أحلام رماديه

:

:

ماشاء الله عليك جزل ومخك نظيف

وعندك ثراء لغوي واضح

أهنيك وألف لاهنت

:‏)‏

أحلام رماديه

الجزل مرورك وطلتك

لاهنتي وسلمتي بس المخ والله انه مصدي

احيان يشتغل فيه كم خليه

شاكر لك مرورك

لك ودي

صح لسانك الغنامى

تسلم اناملك على كتابة حروف من ذهب

يعطيك الف عافيه

صح لسانك يامحمد

وبيض الله وجهك على هاالفاخره

تقديري وتسجيل الاعجاااااااااااااااااااب

محمد الغنامي..||~


صح لسانك واعتلى شانك شاع ،ــرنا وماقصرت..||~

وسلم لنا ع ،ــبق وج ،ــودك وفيض قلمك..||~

ولاهنت ولقلبك كل ـالسع ،ــادة..||~

اختك جنون..||~