مصافحه اولى خاصه ( برواسي نجد الادبيه )

السلام عليكم ورحمة الله وبركاته
اخواني الاعزاء اقدم اليكم هذه القصيده كمصافحه اولى
واتمنى منكم قبولها ولكم جزيل الشكر

سير يا جرم القلم والحبر من دم الوريد = وخط الي احلى تحيه فالمعازيب الكرام
يا سلام الله عليكم سلم اسلامٍ وتيد = سلم من اسلم وسلم وجهه لرب سلام
ويا سلام الله عليكم عد مخضر الجريد = وعد ما يسجع على غصون الشجاري من حمام
من هجوس الشاعر الي شب اله نارٍ وقيد = وقام يحسب فالنجوم الي ضوت شرقٍ وشام
يا هجوسي جمليني من جزيلات القصيد =فالرجال الي لهم حدٍ مثل حد الحسام
واطوي البيد بعجاله واقطعي بيدٍ وبيد = وفي رواسي نجد قري واقلطي حسب النظام
عند قومٍ عزمهم راسي مثل عزم الحديد = ما يخيب الي لفاهم حالف انه ما يظام
في رواسي نجد ابى ابدع كل ملعوبٍ جديد = واتغنى بالمثايل في مجاليس الحشام
ويا عساني اكتب من الشعر جزله والمفيد = الجزاله والافاده ما نبى كثر الكلام
وكان قصرنا فاحكم الله قوى كل العبيد = نجتهد والنور لا من بان جلاي الظلام

اخوكم / سامي الرقيب

سامي الرقيب
ياهلا ويامرحبا بالجزاله وأهل الجزاله
ويا هلابك في دارك رواسي نجد
مصافحه تبيض الوجه وتبل العروق
جزله وافيه
والأطيب ماخصه شاعرها
صح لسانك وكلك ياسامي
ودام بوحك بكل خير ومعزه
أما مكانها فهو صدر المجلس
مع الشوامخ لا البوح القصير

حي الله القصيد الذرب وحي راعيه


سامي انت صاحب الدار وحنا الزوار.....

صح لسانك مدد لا عدد ومافيك حيله.....


[[تقديري وأحترامي]]

صح لساااااااانك وبشر بالخوه وبالطيب الي تستاهله
وحياك الله في دارك ياراع الدار
تقبل تقديري

ماشالله

قصيدة جميلة

أخوي

صح لسااااااانك

وفكرك

يعطيك العافية

سلمت






[[ حورية رواسي ]]

السلام عليكم ورحمة الله وبركاته

صـــــــــــــــــــح لسااااااااااااااانك اخي سامي


على الرائعه وحياك الله

الله يعطيك العافيه

تقبل تحياتي

محمد القسامي
البقى بلا شقى ولا هنت
ووجهك ابيض
وصح بدنك ودام عزك
ومشكور على مرورك الي اسعدني
ولك التحيه ودمت بود

خالد الغنامي
البقى بلا شقى
وصح بدنك ولا هنت يالذيب
ومشكور على مرورك الكريم
الي يشرفني
لك التحيه ودمت بود