*** لا تنتضرني ***

بسم الله الرحمن الرحيم

يعيش ابو متعب وسلطان لا هان=وتعيش دولتنا على العز والدين

حكامنا آل سعود ذربين الأيمان=شعارهم توحيد ونخله وسيفين

وحنا هل الوقفات لو كان ما كان=تاريخنا معروف ماقيل نذلين

على الوفى دايم على العهد عتبان=سيفن على العدوان للدار وافين

السلام عليكم ورحمة الله وبركاته
صباح / مساء الخير للجميع

اعتذر عن غيابي عن هالمنتدى الرائع بما فيه وبمن فيه
لاكن ضروفي الصحيه ماكانت تسمحلي .

أبات لها مناسبتها الخاصه اتمنى لها القبول

ياصاحبي روّح ولا تنتضرني=كانك نويت تروح يم الوليمه

انا عزيز النفس محداً عزمني=ولانيب من يحضر بليًا عزيمه

ولانيب في حاجة خوياً جهلني=اللي يبا يجحد رجالً عضيمه

مرجي ورا الرديان فنجال بني=أحرص على مجلس رجالً حشيمه

اللي لهم فالمجد صيتاً يرني=واللي لهم فالقلب قدراً وقيمه

وبعض العرب فيهم أليا خاب ضني=اقطع علاقتهم ولوهي قديمه

مالي بناسً فنهم غير فني=اللي تفنن بالردى والنميمه

من راس ماله هرج لا يمتحني=اللي ينافس بالدوادي حريمه

بارد عضم محتار دايم يوني=وأليا ألتفتنا فيه يعط الخريمه

الذيب ذيبً والذيابه عوني=والحر يفهم والبهيمه بهيمه

وتقبلو تحياتي / بدر بن الحميدي

صح لسانك يابدر

جزل يالذيب وعذرك مقبول ولا تشوف باس

ما تشوف شر يا بدر

وصح لسانك

مليووووون ولا يسدوووووون

ولا عاد تطول علينا يالذيب

تحياتي لك

بدر الحميدي

الحمد لله على السلامه ولاترى مكروه

صح لسانك وعلى شانك جزله من جزل

ننتظرك أنت وجديدك

محمدالغنامي

:


يآهلآ وغلآ حيآك آلله يآبدر وآلحمد لله ع ـآلسلآمه


:

لن آقول سوى صح آلله لسآأنك .. ولآهنت يآ مبدع ..


:

سلاااامات بدر ونورت المنتدى

وصح لسانك على القصيدة الرائعة

الحمد لله ع السلامهــ

صح لسانك وعلى شانك جزله من جزل

لكـ وديــــــ

صــــــح لسانك اخووي بدر