مايرد المال من راحي

مساء الخير

للتواصل

إي والله إن الزمن خلاني اكذيا=أصبر على هرجة المجنون والصاحي
ماهو رخامه ولاهو خوف من شيا=الهرج باب (ن) وله فالجيب مفتاحي
واللي هرجبي هروج ٍ ماهي بفيا=أضحك معه ولدغه على الكبد يامناحي
وليا بغيت الحقيقه فكر اشويا=لو أني جيته وانا شايل معي اسلاحي
ثم قلتله ليه تهرج ياولد هيا=ثم قال كلمه وانا دفيته وطاحي
مات الولد والسبب دفه من ايديا=واصحبت وسط السجن قاتل وذباحي
وصدر باين (ن) يقول المحكمه العليا=تحكم قصاص (ن) على المجرم وينزاحي
وأبوي في كل ليله يرفع الديا=والمشكله مايرد المال من راحي
امصيبتي عارفن موتي وأنا حيا=باقي ثلاثة ليالن ولبس وشاحي
وجتني زياره من الوافي وانا اهنيا=جايب معه من تخفف عني اجراحي
ضمتني ضمه تزيل النوح والعيا=وقالت عسى الله يفرجها وترتاحي
ثم قلت ياوفي خيك عنده اوصيا=امي وأبويه في ذمتك يابو ناحي
هلت دموعه وقال الخي للخيا=وأمي وابويه وسط عيني ومولاحي
قلت الحقيقه ياوافي مخلص النيا=والله خابر فعولك كلك ارباحي
لاكن خلي ليا جيته عطه ذيا=اربع بيوتن وصورة قلب ورماحي
الاوله كان طيفه بالسجن ضيا=والباقيه سر بين الصاحي والصاحي
ياناس ماني مكمل خاطري سيا=صورة صوره لكم والبرق مالاحي
هيا معي ياعرب هي معي هيا=نضحك بوجه الزمن وتعم الافراحي
إي والله هذا الزمن خلاني أكذيا=اصبر على زلة المجنون والصاحي

احمد السليمـــــــــــــــــــان
مبـــــــــــــــــدع الله عليك
صــــــــــح لساااانك ملايين
نــــــــــــص رااااائع
تحياتي
غـــــــــــــرك زمـــــــــــــــانك

الله عليك صـح لسآنك شآعر كبيـر ومن اشـد المتأبعين لك

تقبـل خـالص تحيـااتي ولاتحـرمنأ

محبــك

جميل هو هوآؤك هنآ وجميلة هي انفآس الحروف ..

رآئع كعآدتك ومبدع ..

كن بآلقرب دومآ ونحن بالانتظآر ..

رااااااائع يالشاعر
وصح لسانك ملايييييين
دمت بخير

.
.


صح لسانك ونبض قلبك


يعطيك العافيه نص أكثر من رائع


كل ودي

.

الرائع/احمد السليمان

يسلم راسك الغالي ولاهنت

وصح السانك لين ترضى

دايماً وانت شامخ وجزل

تقبل تحياااااااتي

صح والله لسانك لين ترضى

عذرا اخوي على التاخير فلك حق وواجب
ياجزل مروري وكل الاعجاب