بين شنوف والظمني

المصافحة الثانية
من الأرشيف

السعادة ياهلي وينها وويني= قامت هجوس الليالي تهاجمني
افتح الرادي لعله يسليني = مير والله بعض الاحيان يشعمني
لا سمعت الباديه والدواويني = والشكيه بين شنوف والضمني
خذت لي مع هجعة الناس صوتيني = استلمني هم قلبي وسلمني
سبتك ياللي عن الناس معميني = كنك لازمني ولا انته بلازمني
والله انك ياحبيبي كما عيني = لعن بو اللي في محبتك لا يمني
والله انك فارعٍ في المزاييني = مير عذروبك سكوتك يحطمني
انت بسكوتك من العام كاويني = كيةٍ فوق الضلاعين تؤلمني
كان قلبك ياريش العين يغليني= مثل قلبي يوم يغليك علمني
لا تخليني على قاب قوسيني = لايسكتك الخجل ماتكلمني
افتح ابواب الغلا بينك وبيني = لاتطول السالفه وانت ظالمني
(اصبر وبعدين) ماتقضي الديني =وخايفٍ بعض القرارات يعدمني
انتهى صبري ولا عاد يمديني = حاول تقدر ضروفي وترحمني

اخوكم /بوبدر

حاول تقدر ظروفي وترحمني

الله الله
صح لسانك وسلم بنانك
جزله من جزل
يعطيك العافيه

الرايع ابو بدر

مصافحه ثانيه مكتوبه بماء الذهب

لله درك

شاعر جزل وبارع نصوصك دايماً مميزه

دمت مبدع هكذا

صـــ لسانك وسلمت يداااك ــــــــح
قصيده جزله من شاعر جزل

ننتظر جديدك

تقبل مروري وعجابي

صــــح لسانكــ وعلا شانكــ
::
تقبل مروري

صح لسآآنك يآبو بدر..



دمت ودآم نبضك ...



آلله لآيهينك. ..



:

هلا يابو بدر وصح صح لسانك لين ترضا ياغالي تريلة ورد وتريلة ود