][ الجفآ بالطريق ][ !!

الجفا بالطريق ومستوى هالجفا=يقتل الحلم وحلمي في جنون الطريق
والأمل والحنين اللي يشابه وفا=مارحم من تحمل مارحم من يطيق
والزمن لو بكبره في جفوني غفا=ماطوته المدامع من عيون الصديق

يآحبيبي وانا أدري لو ضميرك صفا=كان ماأمهلت عمري للدفا والحريق
كان شبيت نوري يوم نورك طفا=في محيطات صمتي كالأسير الغريق
المشاوير صلفا.. والأماني دفا=والسراب الطفولي.. والعتب.. والرفيق
ماتنادي لعمرن من منامه لفا=لإبتسامات جرحن بالزمن مايفيق

السعاده تسامت في محيا (أفآ)=والزفير المنادي مارحمه الشهيق
يعني نقول عادي والحزن مانفا؟=صورتن بين قلبي كالشهد والرحيق
أشهد إن المحبه دون هم وجفا=مثل ورد المشاعر وإبتسام الرفيق