هنا .. سجن القوافي !!

‏ودي أبدع فـ القوافي لو بيت
وأرسم احساسي ولاني قادره .
ودي أكتب لك ولكن ما قويت
والسموحه منك ماني شاعرهـ

كديميس السيحاني ,الجووهره ,ناصر الهواوي و 1 آخرون معجبون بهذا

خيال مطير

نور تمتلك القوة والشجاعة وحسن التفكير والقرار السليم في الأوقات
الصعبة.
نور من أفضل الأسماء التي تدل على التربية السليمة إذا كانت للولد أو للبنت.

نور أنها متعاونة ومحبوبة من الجميع كما أنها مطيعة جدا لكل من يحاول طلب الأشياء منها.

صح الله لسانك نور ... كفيتي وووفيتي

كديميس السيحاني ,رحيل ,الجووهره و 1 آخرون معجبون بهذا

ناصر الهواوي

ياماخذن قلبي وعقلي والأنفاس=لا يبعدك صد الجفا عن حنيني

أرفق على قلبي ترا القلب حساس=يرضيك كل أللي تسويه فيني؟

أنت الغلا ما أنت بمثل باقي الناس=أنت الوحيد أللي وفا محتويني

تدري بغيايك يسكن القلب هوجاس؟=وتدري بغيابك شوقنا يحتريني؟

بنيت لك بالقلب حبن على ساس=وبعدك هدم كل مابنيت بيديني

يطير قلبي كل ماهب نسناس=وأقول صبرك صاحبك مايبيني؟

قلبي يحبك صادق ومرهف أحساس=(أعجل عليه) وحاول أنك تجيني

البعد سويته معي قلت: لا باس=بس أنتبه!! لا يكون قلبك نسيني

اذا على ظرفك على العين والراس=لكن غيابك صعب يانور عيني

كديميس السيحاني ,رحيل ,الجووهره و 1 آخرون معجبون بهذا

ناصر الهواوي

الخيال/نور مبدعين بلا منازع
وانتي يانور شايفه قد ايه فرحنا برجوعك وبناءاً عليه ودنا نفعل تواجدك ونكسب ما يجود به فكرك
واذا الابيات هذي لك فأنتي الاخيليه او الخنساء هههههههههههه
وانت يالخيال اكيد كنت تاخد تفوق بالانشاء(التعبير سابقا) هههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
لا شاعرة نجد ولا ابو منصور=والغامدي ما شفت له ذيره
واللي هنا الاقشر وعنده نور=الله جعل بحضورهم خيره
يالهجس عطني لو ثلاث سطور=مع مثلهن او فضها سيره
خابرك في نضم الشعر (تختور)=اكتب ثلاث بيوت تصبيره
عن ورد عن نرجس وعن باللور=اللي حواهن قبلة الديره
اللي محياها يشعشع نور=عنقا تفر القلب وتديره
في حبها جنه عدا به طور=جمالها ياصعب تصويره

كديميس السيحاني ,رحيل ,خيال مطير و 1 آخرون معجبون بهذا

الجووهره

دوحةٍ من قبل كم عام قامت وانبتت=وجذَّرت في سِبَّع ارض المغربل من سنين
ايتفيا ظلها وايتذراها إن شتت=ولجلها فجَّر من اكبر شرايينه معين
استدارت واورقت ما حصل فيها حتت=كل شيٍ تنتجه من ثمر حلو وثمين
آاه لو تحسب سنينٍ على هالغرس اتت=وتفهم رسومٍ على ساقها للراسمين
لتبطي ونفسك لهجرانها ما وقتت=ولو تناسا ظلها الورف عاودك الحنين
الليال السود ياويحها كم شتت=كل قاسي لا انتضت سيفها لازم يلين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
وبس وانت سالمين وغانمين
ههههههههههههههه

كديميس السيحاني ,رحيل ,خيال مطير و 1 آخرون معجبون بهذا

الجووهره

وهذي فعالياتنا يانور
ــــــــــــــــــــــــــــــــــــــــــــــــــ ـــــــــــــــــــــــــ
نطقطق باناملنا على لوحة الحاسوب
حروفٍ تبدد تكة الصدر وتناسب

ظروفٍ عليها ثلج صبر الحليم اتذوب
لو يخسر سببها كل ما كان له كاسب

من سم السقطر في يديها سقتنا كوب
ودخلنا اختبار وكل واحد طلع راسب

كديميس السيحاني ,رحيل ,خيال مطير و 1 آخرون معجبون بهذا

الجووهره

ودي اكتب /ودي انام لو ساعه=من صلاة الفجر ما غمضت عيني
ولها تتمه هههههههه

كديميس السيحاني ,الجووهره ,رحيل معجبون بهذا

الله يمسيكم
بما تحبون
ويرضى ربي (:


صحت السنتكم جميعاً

ناصر الهواوي ,كديميس السيحاني ,الجووهره معجبون بهذا