عمر الزمن مآأرخص علي الملآزيم ( للتواصل ) !

من الزمن ناخذ مزايا كثيره=ونحذر عيوبه والليالي مفاهيم
ومن الظروف القاسيه والخطيره=عشنا تحت ظل الزمن والتعاليم
هذا العمر فيه التجارب مثيره=كم طاوع الاجرام وارخص مظاليم
حتى الاماني فيه صارت اسيره=صرنا مع الاحزان ربع ومعازيم
ضاقت فجوج الارض لو هي كبيره=وكلن رضا من ربنا بالمقاسيم
من ضيعة الايام خلدت سيره=عنوانها الدمعه وحزن المراسيم
امشي وانا رجلي بوقتي كسيره=احاول اربح والسما شحت الديم
كان المدامع في زماني خبيره=عمر الزمن مارخص علي الملازيم
هذا الزمن ورحاته المستديره=ياكم فنى رووس الرجال المحاشيم
عزي لزمنا دام هذا مصيره=طيبه قليل وتحجبه غيمة الضيم
جانا براد الوقت ويا هجيره=وكسبت من حره مع البرد تقييم
بـ ان الزمن في اوله مع اخيره=يحتاج له من هيبة الحزن تكريم
لو هاالمشاعر والنوايا سفيره=ماكان قسمنا المواعيد تقسيم
ميعاد جرح وهم بعيون ديره=والديره الدنيا ومن دون تفهيم
لايازمن كم بعت خيرن وخيره=كلفتني التفكير مع كثر تغريم
احصد خساير هالدروب العسيره=واسلم المشوار لرضاك تسليم
بيني وبينك دوم عهدن وجيره=ومنك الليالي يازماني مجاهيم
منك استفدنا با الظروف الخطيره=انك زمن يحتاج لك الف تعليم

صح لساانك يابدر

وبيض الله وجهك وفالك الناموس يالطيب

مروري وتقديري مع تسجيل الاعجاب

بدر آل شآفي
صحتْ يمينك يآمبِدع
ودآم جمآل بوحِك يهطل علينآ كـ روعة المطر ..

دمت بخير

بدر ال شافي

رائع في كل حالاتك

بأسلوبك الشاعري المميز والجزل

هنا وهناك وفي كل مكان سجل متابعتي , إعجابي , تقديري

وصح كلك وجعل السعد مايملك

على هالبوح المنفرد

بدر ال شافي
صح لسانك يعطيك العافيه
كلمات القصيده في منتهى الجمال
في انتظار جديدك المميز
تحياتي لشخصك

أحسنت أخي العزيز/بدر آل شافي أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

بدر ال شافي صح لسـانـك ولا هنت ع القصيـده الجزله والى الامام يا مبـدع

رائعه واكثر
سلمت يمينك يالرائع
وصح لسانك ولاهنت