هنا .. سجن القوافي !!

اقتباس:

المشاركة الأصلية كتبت بواسطة ناصر الهواوي

اهلا يالمهره الا والله نفقد كل من يغيب من الراسيات والرواسي ونسأل عنهم دائما وعلها اخر الغيبات
طيع شوري يابو بندر وإيت واكفل نفسك=وحدد اللي يخلفك لارحت بالزنزانه
بالسجن ياصاحبي وراه طوَّل عفسك=كان ودك تسجن الخيال قلنا عانه
والله مالي نفس الليله اكتب شي كن هجسي عاقل هههههههههههههههه

يسلم راسك ياابوعبيد وماتفقد غالي
والهاجس حقك صابته عين من زعيم المدمر ابو بندر هههههههههههههههههههه

محمد الغنامي ,ناصر الهواوي ,قرناس الحرار معجبون بهذا

سلاااام عليكم

ويعطيكم العافيه شعرآء ومتذوقين


تسليه صبآحيه للسجين والجميع



الصاحب اللي عن عيوني غاب مدري ليه غـاب
الغايه انـه غـاب غيبـه ماعرفـت اسبابهـا




مدري غيابه مـن جفـا والا زعـل والا عتـاب
والا نـوى ينسـى صداقتنـا ويقـفـل بابـهـا




ليتـه يبـوح ونعتـذر والا يحاسبنـا حـسـاب
الصحبـه اللـي طيبـه لازم نحسـب احسابهـا




اليا انقفل باب الغلا فتحـت لـه مليـوون بـاب
واسرجت له خيل الرضى حتى العـذول ايهابهـا




وان خاب ظنه في انا مايوم ظني فيـه خـاب
هذا تـرى سلـم القلـوب اللـي تعـز احبابهـا




اخيل زوله مثل بدون خالـة اصـدوق السحـاب
لاكشـرت عـوج السنيـن الجايـره بنيابـهـا






واشتاق له شوق الندى للورد فحساس الضبـاب
لاعانـق الـورد النـدى مـن فرحتـه هلابهـا




انا اشهد ان الحب بلوى والفـراق اكبـر عـذاب
والوصـل جنـه تستلـذ بخوخهـا واعنابـهـا




واللي عشق له مهرتن تنقش على الكف الخضاب
امـا يبـا يسعـد بهـا والا يـبـا يشقابـهـا




اليا عطته الوصـل والاخـلاص والترحيـب ذاب
حتـى البـلاد اللـي ربتهـا ينتحـر بترابـهـا




هاذي حيات العاشقيـن امـا هنـا والا خـراب
حتـى قصصهـم كـل شاعـر فالبلـد غنابهـا




وانا رمابـي حظـي العاثـر بغـرون مايهـاب
حتـى الليالـي داربـي مـن سبتـه دولابهـا




غرون يحسب ان الغلا والشوق صفحات الكتـاب
لاضاقـت الدنيـا بوجهـه وانجبـر يقرابـهـا




اليا ذكرني زارنـي وان غـاب طـول فالغيـاب
وانا اشهد انه غاب غيبـه ماعرفـت اسبابهـا


حمد مصلح العتيبي

محمد الغنامي معجب بهذا

سلاااام عليكم

ويعطيكم العافيه شعرآء ومتذوقين

مدري متوذقين يعني وشو

ويعطيك العافيه يالجوهرهـ , وصح لسان الشاعر : حمد مصلح العتيبي

اهم شي عندي لاحد يجيب طاري السجن , ماحبه

شطحه صغيره
فيه قصيده من عهد جدي الله يرحمه , لكنها مفبركه , بطابع خاص ,

يقول فيها

أقنب عسى مايجيك خلاف .. ترى المحطات مقطوعه
حملك على الخانتين خفاف .. واللي على الباب دلوعه
صورته معي دايم ينشاف .. الا منه كوع على كوعه
خل الشفرات يرصن خلاف .. وعن المشي قدام ممنوعه
صوتك يقارب لصوت الهاف .. بس ان نوعك يغلب نوعه
..

اقنب : عواء الذيب , والخانتين اللي هي اللي يصب فيها الماء , في الوايت , اللي هو السقق ,

لكن تصحيح القصيده للمعنى الصحيح يقول فيها .

اقنب عسى مايجيك خلاف ترى المحطات مقطوعه..صوتك يشادي لصوت الهاف..لاشك نوعك غلب نوعه..ركابك اثنين مير خفاف.واللي ع الباب دلوعه


وسلامتكم

محمد الغنامي معجب بهذا

اقتباس:

المشاركة الأصلية كتبت بواسطة خيال مطير

سلاااام عليكم

ويعطيكم العافيه شعرآء ومتذوقين

مدري متوذقين يعني وشو

ويعطيك العافيه يالجوهرهـ , وصح لسان الشاعر : حمد مصلح العتيبي

اهم شي عندي لاحد يجيب طاري السجن , ماحبه

شطحه صغيره
فيه قصيده من عهد جدي الله يرحمه , لكنها مفبركه , بطابع خاص ,

يقول فيها

أقنب عسى مايجيك خلاف .. ترى المحطات مقطوعه
حملك على الخانتين خفاف .. واللي على الباب دلوعه
صورته معي دايم ينشاف .. الا منه كوع على كوعه
خل الشفرات يرصن خلاف .. وعن المشي قدام ممنوعه
صوتك يقارب لصوت الهاف .. بس ان نوعك يغلب نوعه
..

اقنب : عواء الذيب , والخانتين اللي هي اللي يصب فيها الماء , في الوايت , اللي هو السقق ,

لكن تصحيح القصيده للمعنى الصحيح يقول فيها .

اقنب عسى مايجيك خلاف ترى المحطات مقطوعه..صوتك يشادي لصوت الهاف..لاشك نوعك غلب نوعه..ركابك اثنين مير خفاف.واللي ع الباب دلوعه


وسلامتكم

ماعليش ياخيال مافهمت
لغتي فرنسيه سوري
هههههههههههههه

محمد الغنامي ,ناصر الهواوي معجبون بهذا

اي هذي القصبده ياخيال بس تصور دلوعه وعلى وايت واردين مابينهم همس لازم صياح هههههههههههههههههههههههههه
قصيدة الغتيبي قمه صح لسانه وسلم الناقل
اهلا ياقرناس وصح لسانك ولافض فوك
المهره الظاهر ان ابو بندر يطرح الطير من السماء بس ما اظنه يصخي بي ههههههههههههههههههههه
لي عوده بعد المغرب ان شاء الله

صحنا لبو بندر ولافاد الصياح=حتى ابو فيصل ماتسمع من يصيح
والشاعره راحت على ذاك المراح=وريوف مع هملول فيهن طار ريح
والحاضرين بما نبي صارو شحاح=والحبل مهما حاولوا ركزه يطيح
وصبر السجن على السجين اليوم باح=اشوف وضعه بالسجن ماهو مريح
لا ليل يادانا ولا ياليح لاح=لا بالنبط غنا ولا الشعر الفصيح
قرناس وينه عقب ما رف الجناح=تفضل بسجن الرواسي واستريح
ياذا الحمام اللي على اللدنات ناح=ما تدري انك للمشاعر تستبيح
قبلك حماهن من غلاهن مستباح=جعل المشاعر من فدايا المستبيح

قرناس الحرار ,محمد الغنامي ,النجلاء و 1 آخرون معجبون بهذا

رحيل

مسااااااکم الله بالخير ي جماعة الربع ����


صح لسااااااانك عبيد
قرناس الحرار خير خلف لخير سلف (:

قرناس الحرار ,محمد الغنامي معجبون بهذا

هلا يارحيل والله يمسيك بالخير والعافيه
ماش يارحيل ان جت الاجازه تعذروا بها وان جا الدوام صار عذر

رحيل ,محمد الغنامي معجبون بهذا