الانعزال ..

السلام عليكم جميعا..مصافحتي الاولى .. اخترت ان تكون اقربها لـ نفسي

شخصيّتي تفرض عليّ الانعزال=يغلب عليّ الصمت و احب الهدو
سجّة فكر يصفي بها جوّ الخيال=مثل المطر لا هلّ في عين البدو
من عقبها ينبت على صدري سؤال=هل يا ترى قصّوا اثاري وفقدوا ؟!
احباب مابقّوا دموع و طول بال=حتى الهجاد بحالي النوم هجدوا
ماهوب انا اللي قطّع حبال الوصال=هم روّحوا عنّي وبالفرقا بدوا
للصد في الخفّاق قوّات احتلال=و قلبي يلم الشمل و يصد العدو
ما ودي افتح للجفا باب و مجال=آطيب / لو اللي تردّوا بي رِدَوا
ولو ان احاسيسي حكمها الانفعال=ماكانوا العذّال قاموا و قعدوا
ماعندي الا طيب وجه و طيب فال =دام اقتدي بـ اجدادي وفيما اقتدوا
على البشر مهما طغى ظلم و ضلال=انا مع اللي جاهدوا واللي اهتدوا
اغلب مشاعرنا تبيح الارتجال=لذلك الشعار غنوا و قصدوا
يقبض علي الضيق في وقت الاصال=عل و عسى يطلق سراحي بالغدو
الحب باقي والمشاعر لا تزال=بـ احيك للذكرى على صدري سدو
ولا هو حرام الحب لا والله حلال=مير البلا فالناس و سلوم البدو

.
.
وسلاااامتكم

عبدالله الصقري ,ناصر الهواوي ,رحيل و 8 آخرون معجبون بهذا

عالية المقام ,شموخ الوايليه ,سجين الرواسي ,نايف الناجي ,شيخـــة الغــيــد ,محمد فراج ,محمد العواد ,محمد الغنامي

الله الله
انا اشهد انها قصيده ماعلي من الحكي
صح لسانك مليون يالجزله
ابداع في ابداع الله لايظرك
سجلي اعجابي وتقديري
يسبقه ختم التميز
والتقييم

ناصر الهواوي ,رحيل ,محمد العواد معجبون بهذا

‏

تشرفنا بانتسابك شاعرتنا نجد

"مير البلا بالناس وسلوم البدو"

انا اشهد

ابداااع يانجد

صح لسانك على هالفاخره

تحياتي لك

‏

شموخ الوايليه معجب بهذا

الله الله الله
قصيده في قمة الجمال
صح لسانك وابيض الله وجهك
تحياتي

شموخ الوايليه معجب بهذا

ولاهو حرام الحب لا ولله حلال
مير البلا فالناس وسلوم البدو

الله الله الله
صح لسانكـ
مليووووووووووون ولا يكفووووووووووون
مبدعه يا نــــــجـــــد

شموخ الوايليه معجب بهذا

/

ياهلا ومليون هلا بشاعرتنــا نجد
أسفرت وانورت
تشرفنا بتواجدك العذب الجميل الشاعري بيننا

/

وصح الله لسانك ع هذه الفاخرة الجزلة
الجميلة كـ جمال روحك يانقاء
سلمتِ ولاهان منطوقك

لقلبك الفرح

شموخ الوايليه معجب بهذا

ماعنـدي الا طيـب وجـه و طيـب فــال
دام اقتـدي بـاجـدادي وفيمـا اقـتـدوا

نجد
صح الله لسانك على هالنص الجزل
تحيتي وتقديري

شموخ الوايليه معجب بهذا

الله الله
ياسلام عليك وصح الله لسانك مدد بلا عدد
كايفه ونايفه وجزله شاعرتنا
دمتي ودام مداد قلمك ورقي حرفك الفاخر
تقديري وتقييمي لسموك + بنر يعتلي الصفحه الرئيسيه
النجلاء

شموخ الوايليه معجب بهذا