بديت باسم اللي عظيمه أساميه

السلام عليكم
مشاركه من الارشيف

بديت باسم اللي عظيمه أساميه=الواحد المعبود والنافع الضاااااار
الكامل اللي بالعطا ما يضااهيه=من صار بحسابه من الملك مليار
يا رب عبدك لا غدا الشيب كاسيه=وضاقت على عبدك وسيعات الأقطار
وش حيلته تاطا على الجمر رجليه=ويصلا معاليقه مثل صالي النار
همن يصبح به وهمن يمسيه=وساق القدم رجله على سلك الأخطار
مشيت مشوارن عسيره مماشيه=تفجع له قلوبن قبل تفجع ابصار
تمشي بنا الأيام من دون تنبيه=ما فيه علمن للمقابيل واخبار
كم غالي يبكي على فراق غاليه=ما علمه مجرى الليالي بالأقدار
حنيت للماضي وذكرى لياليه=ودي اعيش بعالم الأمس واختار
اختار من عذبه واخلي مآسيه=ولا اشوف بنيانن بنيناه وانهار
ولا اشوف حلمن لا بدا الليل نبنيه=ونوثق المبنى ولو صار ما صار
لو حاول الإنسان يرجع لماضيه=يمكن يجي مما مضى بس تذكار

المزني

صح الله السانك

وابدعت يا مبدع

ويا سلام عليك بذا البيت

لو حاول الإنسان يرجع لماضيه
يمكن يجي مما مضى بس تذكار

صراحة سجل اعجابي

وتحياتي لك

المزني الله الله عليك..
ابيات جزله ورائعه ابدعت ..
يعطيك ربي العافيه..
دُمت بخير.

الله الله
المزني
صح لسانك مليون ولا يسدون
جزل ومبدع وشهادتي فيك مجروحه
سجل اعجابي وتقديري
يسبقه ختم التميز
والتقييم

الله الله
عليك يا المزاني
صح لسانك وعلا شانك
شاعر جزل
ويعطيك الف عافيه
تحياتي وتقديري لك
حمد اليامي

الله الله
ياسلام عليك وصح الله لسانك يالمزني
شاعر جزل ومبدع وشهاتي فيك مجروحه
دمت ودام مداد قلمك ورقي حرفك
تقديري لسموك
النجلاء

صح لسانك ياشاعرنا
ابدعت وامتعت بحضورك الطاغي بالمتعه والفخامه والجزاله
دمت بود وتقدير

صح لسانك وسلم منطوقك شاعر مبدع وجزل
استمتعت بتواجدي بمتصفحك
دمت بخير وسعاده دائمه